La Corrada de la Poesía ye un movimientu vecinal y altruista d’Uviéu que tabaya l’espardimientu de la cultura al traviés del espaciu públicu. Agora ta acabante convocar un concursu lliterariu que tien por oxetivu escribir un microrrellatu (en versu o en prosa) con una estensión que nun pase de 10 llinies o versos, a partir d’un fragmentu del mural fechu por Toño Velasco, asitiáu na Corrada de la Poesía (avda. de Santander, 18, Uviéu).
La participación ye llibre y van establecese cuatro categoríes: infantil (hasta 12), xuvenil (hasta 18), adultos y premiu del públicu. Los testos, que van ser inéditos y escritos en n’asturianu o en castellán, y la semeya del tramu del mural que lu ilustra, van unviase al corréu corradadelapoesia@gmail.com, faciendo constar: categoría, nome y apellíos, teléfonu y corréu lletrónicu, hasta’l 15 de mayu.
A partir d’esta fecha la organización del concursu va espublizar los testos recibíos na páxina de Facebook de la Corrada de la Poesía.
El testu que más»préstame» reciba va llograr el Premiu del públicu. Pa les categoríes infantil, xuvenil y adultos, el xuráu va tar constituyíu por especialistes del ámbitu de la cultura. El fallu del xuráu, que va ser inapellable, va dase a conocer el sábadu 1 de xunu, a les 13:30 hores, na Corrada de la Poesía, onde se va celebrar l’actu d’entrega de premios.
Establezse un únicu premiu por categoría (y los accésits que los miembros del xuráu consideren oportunos) que va consistir nuna pieza orixinal fecha por cuatro artistes asturianos de relevancia.
