Si yes una persona a la que-y presten los llargos parllamentos y nun puedes dexar de dialogar contigo mesmu o de montate los tos propios monólogos, esta ye la to oportunidá. La Sociedá Humanitarios de Samartín de Morea (Ayer) convoca’l XVII Concursu de Monólogos, que tará abiertu hasta’l 17 d’abril.
La obra podrá tar escrita tanto en versu como en prosa, con una estensión máxima de cinco fueyes o ente 150 y 250 versos, y deberá ser inédita y tratar sobre un tema d’actualidá tanto social como políticu y cultural.
El premiu, valoráu en 300 €, entregaráse nel actu de les VI Xornaes Culturales dedicaes a l’alcordanza de Joaquín Rodríguez Muñiz, que se celebrará en xunu. Nesti actu, lleeráse o interpretaráse la obra premiada, y el ganador o ganadora formará parte del xuráu na siguiente convocatoria.
Bases completes y monólogu ganador na última edición
Palmarés de ganadores n’ediciones anteriores
