La Sociedá Popular La Regalina de Cadavéu, nel conceyu de Valdés, convoca un añu más el Premiu de poesía en llingua asturiana «Fernán Coronas», al que pueden presentase toles persones que nun ganaren el premiu n’ediciones anteriores, con un poemariu compuestu por poemes inéditos, orixinales, escritos en llingua asturiana (nun puen ser tornes d´otres llingües) y con un mínimu de 275 versos.
La presentación pue facese per corréu lletrónicu, hasta’l día 24 de xunetu, en formatu Word o PDF a splaregalina@gmail.com.
Los trabayos van dicir encabezaos con un títulu y roblaos namás con un nomatu. Nel corréu lletrónicu va axuntase un archivu aparte, que la organización (Sociedá Popular La Regalina) guradará en secretu, ensin que’l xuráu pueda conocelu enantes del fallu, colos datos siguientes: nome, teléfonu, señes, DNI y títulu presentáu al concursu.
El premiu tien un dotación de de 900 euros, contemplándose al mesmu tiempu la publicación de la obra. El Xuráu nun va poder declarar ermu el premiu y el guo fallu nun se pue retrucar. Del resultáu va dase anuncia nun actu públicu en Cadavéu, el día 7 d´agostu, aniversariu del nacimientu del Padre Galo.
Llistáu de ganadores n’ediciones anteriores
1994 – Taresa Lorences por «El son de los picaportes»
1995 – Ánxel Álvarez Llano por «Vieyos fuebos, fresques cenices»
1996 – Miguel Rojo por «Buscador d’estrel.las»
1997 – Humberto Gonzali por «Del país de la caliza»
1998 – Marisa López Diz por «Tiempu de tristura»
1999 – Ignaciu Llope por «El llugar del sol»
2000 – Ermu
2001 – Ḷḷuis Fernández por «Tierra de nublina»
2002 – José Luis Rendueles por «Albentestate»
2003 – Pablo Rodríguez Medina por «El color de l’ausencia»
2004 – Susana Rodríguez Sela por «Cuantayá que Dios fuxó»
2005 – Ricardo Candás por «Quiciás seya payares»
2006 – Carmen Guardado por «Nordés»
2007 – Berto García por «Manual contra’l vacíu»
2008 – Rubén d’Areñes por «Les fueyes blanques»
2009 – Héctor Pérez Iglesias por «Lo malo del bon tiempu»
2010 – Ánxel Álvarez Llano por «Ensin salir de casa»
2011 – José Ángel Gayol por «Los suaños y los díes»
2012 – Miguel Rodríguez Monteavaro por «Tolos tristes de mayu»
2013 – Xurde Fernández por «Difícil»
2014 – Miguel Ángel Gómez por «Nun me preguntes cómo pasa’l tiempu»
2015 – Moisés Cima por «Poemes pa nueches de media lluna»
2016 – Inaciu Galán y González por «Nes ruines de la nueche y les hores»
2017 – Aida Escudero por «Esti llugar qu’agora ye nuesu: poemariu neanderthal»
2018 – Solinca Turbón por «Reflexiones d’un cuerpu opacu»
Bases completes
