1920 – 2015
Sé que conocíes l’atmósfera con golor a llerza
que dexabes en min
como un paisaxe d’añaes amargues
qu’inda creo españen nes mios oreyes.
Sé que conocíes -con ferruñosu instintu-
les lleis que mos rexíen,
trataben de caltener
la nuesa cafiante y callada
convexa conexón.
Sé que conocíes cual dañible sabichega
atraída pol silenciu de los mios güeyos
a la neña que fui
y guah.a
y rapaza
y muyer.
Muyer qu’abandonasti
na seguranza de ser:
nosotres y nengunes,
nengunes y nosotres.
Acordies siempre.
Eternes siempre.
