-Pues yo la primer vez nun la metí.
-¿Y eso?
-Pues nada, que decidí dedicame al “cuninlingus”.
-Pues yá hai que tener aguante, porque coles ganes que se tien de mozu, nun calcala si se tien la oportunidá…
-N’home non, si la mio intención yera clavala, pero non de mano.
-Peor me lo pones, ¿eso como se come?
-Mui fácil: La primer vez nun tienes, lóxicamente, práutica, y lo más fácil ye que te salga mal, y ye que nun ye fácil topar la diana y pues quedar como un mazcayu cola partenaire, asina que díxime yo que, como a la moza de xuru que-y prestaben unes llambionaes primero, pondríase contenta y perdonaríame dalgún error posterior.
-La lóxica ye ablucante.
-Claro. Y amás anque llamber tamién tien el so secretu, taba bastante puestu, que los primeros planos nes semeyes de les revistes porno depréndente muncha anatomía. Y al fin y al cabu llamber nun ye como calcala, que tienes que lo facer a ciegues, cuando llambes a lo menos tas viendo lo que faes.
-Eso Ye verdá.
-Y per otru llau, anque la situación nun dexaba d’alloriame un poco, como nun yes tu’l que ta sintiendo los rebolguinos ehí abaxo, siempre tarás dalgo más centráu na xera.
-Y dempués como a ella yá-y prestó, a tomalo con más calma.
-¡Claro home! A min nun me van les machistaes eses de calcala, acabar, y a la moza que-y dean pel sacu, ¡qué va! A min si nun-y presta a ella tamién nun-y vexo la gracia, la verdá.
-Tas fechu un maestru, picarón. Dexaríesla encantada.
-Bono, encantada encantada nun que quedó.
-¿Y eso?
-Pues que yo sabía muncho d’anatomía, pero les revistes nun güelen.
-¡Nun me mates!¡Xiraba-y el fañacuetu!
-Na home, vese que la rapacina fuera a mexar un pedacín enantes y…
-¡Y golía-y a mexu, qué gocha!
-N’home non, gocha non, ¿ye que tu vas mexar nún bar y llabes la minga? Pues ella tampoco, o a ver si ye que pienses que foi un alcuentru preparáu, d’esos de perfume y llencería fino, foi un “cómo te llames”, “mios pás nun ten en casa” y “pin pan, pin pan”.
-Bono, ¿y qué foi lo que pasó?
-Home, que yo de mano fici por aguantar, yá entamara y tenía que siguir como un paisanu, pero nun pudo ser.
-Tuvisti que parar.
-Que va, que va, siguí hasta’l final, resistiendo como un campión, pero coles lóxiques convulsiones de lo último, pegóme un fañacuetazu’l tol focicu que me fizo tragar los fluxos y dalgún pelo qu’otro pegóseme nel gargüelu y claro, ehí yá…
-¿Yá qué?
-Pues que-y arroxé penriba a la probe moza. Ella de mano, cola emoción, nun se pescanció, pero ¡ai cuando vio l’esfarfayu!
-¿Qué fizo?
-De mano arroxar ella tamién, y dempués alcordase de tola mio familia, vivos y muertos, y dame una bona paliza mientres, ensin poder llavame siquiera, ponía los pantalones de mala manera y colaba d’ellí corriendo.
-¡Meca!¿Nin llavate te dexó?
-Nun la culpo, qu’al día siguiente bien ceo aportaben los sos pás, asina que yá la imaxino fregotiando tola nueche. La esperiencia sexual nun debió ser mui mala a xulgar polo que berraba demientres, pero claro, sumándolo too igual nun rentó.
-Cuido que non.
-Yá. Pero bono, depriendese de too y cola siguiente la cosa foi meyor, ¿quies que te lo cuente?
-Casi meyor que non.
-Pues nada. Ta llueu Pin.
-Ta llueu Xosé.
