Davezu camiento qué sedría de ti con otru amu.
Ún que ficiere que les tos piernes fueran fuertes pa caleyar per milenta siendes.
Ún que ficiere que los tos llabios fueren la puerta p’algamar el cielu.
Ún que ficiere que nel to vientre xorreciera maxa ya saliera vida.
Ún que ficiere que los tos brazos nun escaezan dar nengún abrazu.
Ún que ficere que de la to boca namás escapen afalagos.
Ún que ficiere que de los tos güeyos nun salgan mas llárimes.
Ún que ficiere que na to tiesta nun hubiere estos camientos prietos.
Davezu camiento que sedría de ti ensin min.
De min ensin min.
