Y cuando too fina,
cuando too desapaez
de les manes
y los llabios,
la cabeza nun posa
y ta sollerte
tola nueche. Hai
silenciu na escalera
y na cai sólo lladren los perros
de la memoria.
La pantasma de la felicidá ta
sentada al borde de la cama,
agüeya’l to alitar inquietu
y marmulla “Yá te lo dixi”
y cola pela ventana
onde la nueche ye más escura
que nunca y nin la lluz de la Lluna
ye quien a allumar la esperanza.
Y cuando too fina,
cuando too desapaez
de les manes
y los llabios,
cuando sólo queden los poemes
y les promeses son una buelga
ente les fueyes.
Fueya blanco
y a escribir de nuevo.
