Llega’l vientu azotando,
despidiendo fueyes,
arrequexando alboraes,
dexando ver la color allumante
del caberu sospiru del branu…
ente la señardá permanente de la seronda,
ente’l golor mugorosu de les ñubes prietes
sacaes del bagul de la tristura…
el vientu xélido, tembloroso, alloriante…
Mentanto los versos sabrán a despidida,
a quema, a quexúmene…
mas tamién a esperanza…
magar la rutina…
de, como dicía’l poeta,
recoyer la fueya nueva dempués de la ivernera…
