Tienis de ti tantas partis arrepartías
que ya no sabis ni quién eris.
D’otrus paísis te conocierun
quasi que al tiempu mesmu d’olvial-ti.
Nacemus pa los demás,
mojandu las secas yervas
de coraçonis ajenus.
Si el tiempu lo premiti,
espera i vé-las verdeal,
pero si ni essu conocieras
no piensis que hue baldíu:
En ellus eris tu, en ti ellus.
El bahíu que compartimus,
una idea sembrá,
chamá emprendía,
empapujan la vida en verdá
de quien creemus
que la tenemus arrepartía.
