Llicenciada en Filoloxía Hispánica especialidá en Lliteratura Española pola Universidá d’Uviéu. Máster Universitariu en Formación del Profesoráu d’Educación Secundaria Obligatoria por Universidá d’Uviéu. Máster en Formación ya Investigación Lliteraria y Teatral nel Contestu Européu por UNED. Especialista en producción, xestión y distribución d’espectáculos pol cursu entamáu pola SGAE, Fundación Autor, Máster en Xestión Cultural: Música, Teatru y Danza ICCMU Madrid. Complementa la so formación teatral participando en múltiples talleres y cursos.

Miembru fundador d’Higiénico Papel Teatro en 1996, compañía xixonesa na que desenvuelve la mayor parte del so trabayu como directora d’escena, autora, productora y actriz. Más de cincuenta espectáculos empobinaos dan cuenta de la so trupa trayectoria profesional, una de les más consolidaes del panorama teatral asturianu. Les sos producciones tán sofitaes por numberosos premios. Ente otros foi finalista al Premiu Max Revelación en 2007 y 2010.