Esti xueves 18 de xunetu de 20:30 a 20:55 va tener llugar resentación de la novela «Invisible», d’Aique Fernandi ganadora del XI Premiu “María Josefa Canellada” de Lliteratura Infantil y Xuvenil na carpa d’actividaes del festival Celsius 232, asitiada na Plaza Domingo Acebal d’Avilés.

Van intervenir l’autor, Aique Fernandi, l’ilustrador, Juan Hernaz y la escritora y presentadora de PlayPresta, Blanca Fernández, conocida como Shiro Ychigo nel ámbitu de los cosplayers. 

Nesta novela de mieu l’escritor llangreanu, criáu nel barriu de La Llera, en Sama, inspiróse nel mundu interior de los adolescentes, tomando como exemplu al so fíu Illán.