Esti sábadu 19 de xunu a les 12 hores va producise la presentación del Premiu de Novela Curtia Andrés Solar Santurio na Feria del Llinru de Xixón. L’actu va celebrase na Escuela de Comerciu.
La Conceyalía de Cultura de Xixón, “nel so enfotu por favorecer y promover la creación lliteraria n’asturianu, al tiempu facer alcordanza de la figura del escritor xixonés y la so querencia pola llingua de nueso y pola so normalización social”, convoca la primer edición del Premiu de Novela Curtia Andrés Solar Santurio.
Les obres habrán tener una estensión mínima de 90 páxines y una estensión máxima de 150 páxines. El plazu de presentación d’orixinales va entamar al otru día de la publicación de les bases nel BOPA y va rematar el 26 de setiembre de 2021, Día européu de les llingües.
La dotación del premiu y otros datos van dase a conocer na presentación.
