Esti próximu sábadu, 12 de marzu, a les 13:00 hores, va presentase na Llibrería La Buena Letra, asitiada na cai Casimirio Velasco 12 de Xixón, la torna al asturianu del llibru «El monstruu de colores. La entrada ye de baldre hasta completar l’aforu.
«El monstruu de colores» ye un cuentu infantil escritu por Anna Llenas y cola torna al asturianu fecha por Xosé Lluis Remis. El cuentu narra la hestoria del monstruu de colores, que nun sabe que-y pasa. Enguedeyóse coles emociones y agora tien que desfacer l’emborollu. ¿Sedrá quien a poner n’orde la allegría, la tristura, la rabia y la calma?
