El Gremiu d’Editores d’Asturies punxo caseta esti añu na Feria del Llibru de Madrid, con un importante ésitu de ventes. Recoyemos equí la llista de los diez llibros espublizaos n’asturianu más vendíos nesti eventu de referencia estatal. Como hai dellos empates en venta comparten puestu dellos llibros:
1- Cartes nel horru (y delles hestories más) (narrativa) – Inaciu Galán – Cuatro Gotes Ediciones
2- El Vampiru Pequeñín (infantil-xuvenil/traducción) – Angela Sommer-Bodenburg (traducción de Miguel Isla Viesca) – Radagast Ediciones
3- Del Llau del Nigromante (novela) – Nicolás Bardio – Radagast Ediciones
4- El Xenial Don Raposu (infantil-xuvenil/traducción) – Roald Dahl (traducción de Nicolás Bardio) – Radagast Ediciones
4- L’escudu d’armes de Xixón: la iconografía de Pelayu (investigación) – Xuan F. Bas Costales – Cuatro Gotes Ediciones
4- Tayu (poesía) – Alejandro Fernández-Osorio – Ediciones Trabe
5- La vida esplicada – Xosé I. Pidal – La Semeya Editorial
5- Les Farturrutes. Caleyar y comer n’Asturies (gastronomía) – David Castañón – Delallama Ediciones
6- 1809: Cartes de la revolución de Trubia (novela) – Andrés Fernández – Radagast Ediciones
7- Trovadoresca (novela) – Blanca Fernández – Radagast Ediciones
7- Unes vacaciones bien rares (infantil) – Esther Prieto / Nanu González – Ediciones Trabe
8- Diccionariu castellanu-asturianu (diccionariu) – Xuan Xosé Sánchez Vicente -Ediciones Trabe
9- Grana de Crisantemu (poesía) – Isabel Gutiérrez Novo – BaxAmar Editores
10- Hestoria universal de Paniceiros – Xuan Bello – Saltadera Ediciones
Destaca ente les editoriales con más títulos nesta llista de los más vendíos Radagast Ediciones con una parte importante de los títulos, y Cuatro Gotes y Trabe con dos y trés títulos respectivamente, súmense tamién La Semeya, BaxAmar, Delallama y la despaecida Saltadera, xestionada por Trabe. No que cinca a los xéneros atópense na llista 4 obres de narrativa, a les qu’hai que sumar les dos obres de traducción qu’apaecen.
Les obres infantiles y xuveniles tienen tamién un pesu importante, con trés títulos. La poesía con dos títulos y la gastronomía ya investigación apaecen con namás una obra, na metá baxa de la tabla. Rescampla tamién que namás trés de les obres tán escrites por muyeres.
