El xuráu del III Concursu de Rellatos Curtio “Conceyu de Candam” aconceyó güei, 9 payares del 2020, a les 12:30 en Grullos. Formaron parte del mesmu Xosé Lluis Rodríguez Alberdi, Javier Calvo Pardo y Francisco Javier Fernández Conde.
Na categoría d’adultos resultó 1er premiu: “Correr tres del vientu”, de Francisco Álvarez González, y segundu “Lluvia”, de José Ángel Gayol.
Na categoría infantil, de 6 a 12 años, el 1er premiu foi pa “La neña”, d’Adriana Álvarez Suárez, y el segundu pa “La neña que quería ser xana”, d’Alicia Menéndez Macías. Amás d’estos premios, el xuráu alcordó dar diplomes a tolos participantes del concursu en categoría infantil.
Na categoría infantil, de 12 a 16 años, el premiu quedó ermu pola ausencia de rellatos presentaos.
Por mor de la situación sanitaria actual, la entrega los premios queda n’espera.
