L’Ayuntamientu de Gozón convocó la séptima edición del concursu escolar de rellatos curtios n’asturianu y castellanu. Esti añu la tématica ta al rodiu de la igualdá efectiva ente homes y muyeres. Van poder participar l’alumnáu de 3º, 4º, 5º y 6º de Primaria y de 1º y 2º de Secundaria de los centros educativos del conceyu pa quienes se establecieron estes categoríes:

  1. A)3º y 4º de Primaria.
  2. B)5º y 6º de Primaria.
  3. C)1º y 2º de la ESO.

Los trabayos van recoyese nos colexos ya institutu el vienres 17 d’avientu y la entrega de premios va ser convocada con suficiente antelación. Por cada categoría, un xuráu integráu por persones rellaciones cola educación va designar trés gallardonaos (trés en castellanu y trés n’asturianu).