El sábadu 24 a les 19:30 hores  na cai Emilio Tuya 51 (Llocal de Cuatro Gotes Ediciones) va tener llugar la segunda presentación del nuevu númberu de la revista na ciudá, un númberu especial que recueye una variada esbilla de testos de los y les participantes del #FormientuEnCasaFest, ún de los festivales online más llargos d’Europa mientres el confinamientu.

Na presentación va tar l’ex director y editor de la revista Inaciu Galán, en representación de Cuatro Gotes Ediciones; la nueva codirección de la publicación: Diego Solís y Claudia Elena Menéndez, amás de dellos autores presentes na revista como Gonzalo Llamedo, Alma Hidalgo o Raúl Alonso, que fadrán una breve llectura de poemes.

L’asistencia al actu requier la previa inscripción nesti corréu: oficina@cuatrogotes.com onde han d’axuntase nome, DNI y teléfonu de contactu de los/les asistentes, pues l’aforu va tar llendáu por mor de la situación sanitaria.