L’Asociación Cultural «Valentín Andrés» de Grau ta acabante de convocar el Concursu Internacional de Cuentos. Esti certame, que celebra esti añu la so trenta edición, tien delles categoríes y estes son les sos bases:
1. Podrán participar nél toles persones que-yos pete, a nun ser les que yá resultaran ganadores del primer premiu n’anteriores ediciones d’esti concursu.
2. El concursu ta dotáu colos premios que van darréu:
– Primer premiu: 1.000 euros, diploma y espublizamientu del cuentu.
– Segundu premiu: 500 euros, diploma y espublizamientu del cuentu.
El premiu pue declarase ermu o dixebrase, acordies cola decisión del xuráu.
3. El tema ye llibre, pudiendo tar escritu en Llingua Asturiana o Castellana.
4. Los cuentos han presentase por quintuplicáu, con lletra Times New Roman, 12 puntos, a
doble espaciu, tamañu DIN A-4 y d’un llargor de cinco folios per entrambos llaos o diez per una sola cara.
5. Los cuentos han de llevar títulu y dir firmaos con alcuñu. Ha xunise a ellos un sobre zarráu col alcuñu pela parte fuera: dientro ha dir el títulu`l cuentu amás de los datos personales del autor: nome, apellíos, señes, teléfonu y/o corréu electrónicu, col envís de ser pa contautar con él. Nun s’almitirán cuentos unviaos per corréu electrónicu.
6. Los participantes namás van poder llograr un premiu.
7. Los cuentos han mandase a la sé de l`Asociación: Asociacion Cultural Valentín Andrés.
Apartáu de Correos nu7, 33820 Grau (Asturies-España) o bien al Ilmu. Aytmu. de Grau, faciendo constar nel sobre “XXIX Concursu Internacional Valentín Andrés” .
8. El plazu pa presentar los orixinales pesllaráse’l día 29 d’abril de 2022.
9. El cuentu ha ser orixinal, nun tar espublizáu con anterioridá y nun haber ganao en nengún otru certamen lliterariu enantes del fallu del xuráu del presente concursu.
10. La entrega de premios fairáse na seronda del presente añu.
11. En fallando’l xuráu, los cuentos premiaos pasan a ser propiedá de l’Asociación Cultural
Valentín Andrés que se reserva’l derechu d’asoleyalos como camiente afayaizo y ensin ánimu de lucru. Los cuentos non premiaos serán destruyíos pola Organización darréu’l fallu’l xuráu.
12. La presentación al Concursu supón l’aceptación de les presentes bases.
