La esposición Pruebes d’autor. Les siete vides de Nel Amaro fai un percorríu pela vida y la obra del artista y la dómina na que se desenvolvió’l so llabor creativu al traviés de material gráfico, bibliográfico y audiovisual.
La muestra puede visitase na Casa la Cultura de Mieres del Camín hasta’l vienres 11 de xunu colos horarios siguientes, de llunes a vienres, de 12.00 a 14.00 y de 17.00 a 20.00 hores.
Esta esposición, que s’inauguró en Mieres por ser el conceyu onde nació y vivió Nel Amaro, va poder vese depués en dellos llugares d’Asturies y yá ta prevista la so instalación en L.lena, onde va poder visitase del 14 al 30 de xunu.
