L’ayuntamientu de Tinéu convoca un concursu de cuentos n’alcordanza de la escritora Enriqueta García Infanzón, «Eugenia Astur», con un únicu premiu de 500€ y con plazu de presentación hasta’l 15 de febreru. Les bases del concursu son estes:
1. Únicu premiu valoráu en 500€ canxeable por recursos d’ociu y hostelería nel conceyu Tinéu.
2. Va poder participar cualesquier persona mayor de 18 años. Cada participante va poder presentes namás un trabayu en castellanu o asturianu, firmáu con seudónimu, con una estensión mínima de 8 páxines Din A4, lletra tipu Arial 12 ya interlliniáu 1,5.
3. Los testos han ser orixinales ya inéditos. El tema va ser llibre. Van escluyise les obres premiaes n’otros concursos.
4. Los trabayos van unviase per corréu lletrónicu a mayteruiz@tineo.es, con dos archivos axuntaos en PDF: unu col testu y títulu del rellatu y otru coles señes personales, títulu del rellatu y fotocopia del DNI.
5. El plazu de presentación remata el 15 de febreru de 2022 y va anunciase la obra ganadora’l próximu 8 de marzu, Día Internacional de la Muyer. La entrega del premiu va ser el 11 de marzu nel Salón de Plenos del Ayuntamientu de Tinéu nun actu oficial pol premiáu.
6. El xuráu va tar compuestu por personalidaes venceyaes al mundu de la cultura, actuando como Presidenta la Conceyala de Cultura del Ayuntamientu de Tinéu. La so decisión sedrá inapelable.
7. L’Ayuntamientu resérvase el derechu de publicar o reproducir la obra premiada. En tal caso, l’autor o autora nun va recibir cantidá nenguna en conceptu de derechos d’autor na primer edición.
