Mazanes d’iviernu, de Xabiero Cayarga, fíxose por unanimidá col XXIX Premiu Teodoro Cuesta de Poesía, qu’otorga’l Conceyu de Mieres. Esti añu’l xuráu tuvo formáu Xuan Bello, Esther Prieto, Pablo Rodríguez Medina, Laura Marcos y Daniel Blanco; actuando como presidente Ana Belén Alonso López y secretariu Ismael María González Arias, dambos ensin voz nin votu.
Acordies cola información apurrida pol Conceyu de Mieres, al premiu presentáronse un total de 26 poemarios.
Xabiero Cayarga ñaz en Cangues d’Onís en 1967. Poeta, novelista, autor d’una pieza de teatru, son mui reconocíes les sos traducciones al asturianu dende l’alemán y l’inglés. Publicó tres llibros de cuentos: Les gatileres del cielu (1994), Güelgues sobre’l llagu (1996) y A flor de piel (2000).
