Tres el conceyu del xuráu del XV Concursu de micro-rellatos n’asturianu «L’Horru d’El Carbayedo», formáu por D. Miguel Solís Santos (escritor, debuxante y miembru de l’ALLA), Dª Susana Sela Rodríguez (escritora y esperta en cultura tradicional asturiana) y Dª Montserrat Machicado Company (filóloga especialista en llingua asturiana y responsable de la Estaya de la Llingua de la Conceyalía de Cultura del Ayuntamientu d’Avilés), alcordó axudicar los premios relacionaos darréu:
– Primer Premiu (500 € y trofeu): «GÜELINA» (presentáu col nomatu «Crisaor»)
– Segundu Premiu (300 € y trofeu):»UNA PULSIÓN» (presentáu col nomatu «Fayes»)
Namás recibir l’acta, l’A. VV El Hórreo abrió les pliques, resultando ser los autores Xuan Trenor Allen, d’Uvieu pero afincáu en Barcelona (primer premiu) y Fernando Martínez Rodríguez, d’Avilés pero afincáu en Toledo (segundu premiu).
L’actu d’entrega de premios , sedrá nel auditoriu de la casa Municipal de Cultura d’Avilés, el martes, 21 d’avientu, a les 19 hores. Nel mesmu entregaránse tamién los trofeos de la XIV edición, que poles torgues sanitaries nun se pudieron recoyer l’añu pasáu, y dempués el Grupu de Teatru Carbayín presentará la so obra «Somos democráticos». Pa asistir al actu hay que recoyer, de baldre, invitaciones nominatives na oficina de l’Asociación de Vecinos El Hórreo (C/Dr. Marañón, 16, baxu, Avilés), los díes 13, 16 y 20 d’avientu, de 19:30 a 21 hores.
La A. VV. El Hórreo quier destacar la participación, con 34 rellatos, presentaos por 20 autores a los qu’agradecemos la so aportación al xorrecer del concursu.
