El Conceyu de Villaviciosa, con motivu de la celebración del Día Internacional de la Llingua Materna 2021, editó en formatu lletrónicu la obra ganadora del IV Premiu de Relatos Curtios Xosé Caveda y Nava.
N’años anteriores el Conceyu de Villaviciosa facía coincidir esta fecha cola entrega’l Premiu nun actu abiertu al públicu. Les circunstancies sanitaries d’anguaño desaconseyaron la so convocatoria, que se tresllada al actu de cellebración de la Selmana de les Lletres, nel mes de mayu.
Xavi Cayado resultó ganador d’esta cuarta edición del Premiu de Relatos Curtios ‘Xosé Caveda y Nava’, premiu que tien una dotación económica de 1000 euros. El xuráu, formáu polos escritores Pilar Arnaldo Rubio y Lluis Portal y el historiador y técnicu en normalización llingüística Rafael Rodríguez Valdés, decidió por unanimidá conceder el premiu al relatu tituláu ‘A pie firme’, del que destacó’l realismu nel tratamientu’l tema, la construcción equilibrada del relatu y l’usu acertáu de los distintos rexistros llingüísticos.
Xavi Cayado (Xixón, 1987) ye profesor d’asturianu y pertenez a la xeneración más moza d’escritores nesta llingua, siendo conocíu hasta’l momentu principalmente como poeta. Tien collaborao en revistes como Formientu, A Quemarropa o El Cuaderno Digital, amás d’apaecer n’antoloxía Canigú Lliterariu. En ‘A pie firme’ Cayado constrúi el relatu al traviés de la memoria histórica y los relatos familares recoyíos na zona oriental
