Mírame; metá persona, metá poeta
Trovador alloquecíu de revolcón y bragueta
Bardu cantando los sos cancios
Y quebrantos a nobles señores y dulces dames
Llocu suañador de mirada perdida
Llistu, que tamién intelixente, compositor de romances y balaes
Home a la so pluma pegáu
Ñariz al cuellu arimada
Mazana podre del cestu d’Eva
Cuchiellu sangrientu nel llombu d’Isaz.

La entrada «Autorretratu», de Nayar Crespo Sánchez se publicó primero en Formientu.

Nun quiero volver a mirar la lluna
Qu’ayeri tu y yo mirábemos a la par
Nun quiero volvela a admirar
Pa min ya nun alluga guapura dalguna

Nun quiero notar el to cuerpo contra’l míu
Cola lluna como calláu cómpliz
De felicidá nun nos queda un ápiz
Agora, baxo ella , y ensin ti muerro de fríu

Nun quiero vela nin a ella nin a ti
Nun quiero volver a admirate, lluna mía
Quiero escaecer lo qu’un día sentí

Güei quiero más estremate que deseyate
Nun quiero volvete a amar
Agora nun quiero más cosa qu’escaecete

La entrada «Nueches en vela», de Nayar Crespo Sánchez se publicó primero en Formientu.

El to recuerdu llévenlu les foles serenes
Xunto con el lleven les mio penes
Lleven aquellos güeyos azules
De bocaes d’amor lleven miles

Lleven los recuerdos de la mio serena
Lleven l’amor que’l mio corazón cangrena
Lleven la felicidá y l’amor
Dexen la tristura y el dolor

Agora atristáyame’l morrer de les foles
Pésame’l pasu de les hores
Y nel pechu siento’l llatíu
D’un amor ya dormíu

La entrada «Carta d’Ulises», de Nayar Crespo Sánchez se publicó primero en Formientu.

Naguo por anidar nel to pescuezu
por saboriar la to voz,
y sentir el to aliendu escontra’l míu
como si d’una cicloxénesis esplosiva se tratare.
Naguo por tarariar la melodía
que solo les mentes namoraes son a atalantar.
Naguo por acarretar les tos maletes baxo la lluvia
como nuna d’eses películes americanes.
Naguo por morrer contigo si te mates
y por matame contigo si muerres
Naguo por subime peles cañes
naguo por baxar pel to cuerpu
naguo por cazar la to sorrisa
y naguo por aldovinar el to nome que nunca conocí.

La entrada «Romance Anónimu», de Nayar Crespo Sánchez se publicó primero en Formientu.

¡Quiero un fíu tuyu , Madre Naturaleza!
de les tos colloraes nubes al atapecer,
de les nocherniegues lluces qu’allumen el to techu,
de los esqueléticos texos qu’antaño t’adoraren.

Quiero un fíu de les tos agües,
del salitre claru del Maresme,
de les tristes foles de Tazones,
de los ríos nos que tantes vegaes me bañé, pero nunca nel mesmu ríu.

Quiero un fíu de los tos montes,
yá sea de Pierzu, d’Urriellu, del Mont Blanc o del Sueve,
de los tos eternos escobios
que como h.achazos d’una diosa caprichosa los colocaren ehí

Pero tengo claro que nun quiero un bastardu
que salga más a min qu’a ti , querida.
Nun quiero’l fueu que te priende,
nin el h.achu que te corte.

Nun quiero un pozu petrolíferu que te desangre,
nin una mina que t’esplote les coraes,
nin un bulldozer qu’estirpe’l to amazónicu pulmón
nin les putes fronteres que te parten.

La entrada » ¡Quiero un fíu tuyu! «, de Nayar Crespo Sánchez se publicó primero en Formientu.

Coraline

Chamana zahorí,
Buscando cola to varina’l sangre
Que nun cuerre peles mios venes
Que yá nun me queda
Que nun hai llave pa la mio puerta
Que los tos güeyos son más que botones
Que se me claven
Como aguyes

******

Botones Rotos

Los tos deseos son órdenes,
Permítenme cambiar el mundiu
al to antoxu.
Moldearélu pa ti
Coles mios manes si ye necesario.
Pero quédate,
Nun marches per onde vinisti.

******

Pieslle de Puerta

Da-y priesa,
Apaga la lluz y pieslla la puerta
Que te llevó al mio coral
Enantes de que llegue.
Da-y dos vueltes a la pesllera,
Y asegúrate de que tea trancada.
Vuelve al to mundiu, nun mires atrás.
Pero recuerda, pequeña, que
“Siempre nos quedará Pink Palace”

La entrada «Coraline Suite», de Nayar Crespo Sánchez se publicó primero en Formientu.