Pa poder participar, toles candidatures tendrán de rexistrase na páxina web poesia.premiojovellanos.com dientro del estremáu ‘Inscripción’ hasta’l próximu 8 de xineru de 2025.

La entrada Abre la convocatoria del XII Premiu Internacional de Poesía Xovellanos se publicó primero en Formientu.

Estes son les bases reguladores:

1.- Los cuentos han de tar redactaos en llingua asturiana, respetando les normes ortográfiques vixentes. Sedrán inéditos, de tema llibre, non premiaos n’otros concursos lliterarios y non suxetos a compromisu d’edición.

2.- Los rellatos han tener una estensión máxima de 10 folios y presentase mecanografiaos a doble espaciu, per una sola cara. Unviaránse l’orixinal en papel y una copia en versión
informática (CD o llápiz USB). Cada autor o autora nun podrá presentar namás qu’una obra.

3.- Les obres, ensin firma, tienen de presentase con nomatu. Ésti apaecerá nuna plica, en sobre zarráu, onde constarán nome y apellíos del autor o autora, númberu del DNI, teléfonu de contactu, señes y currículu (con semeya).

4.- Los cuentos han d’unviase a: Ayuntamientu Bimenes (pal XXVI Concursu de Cuentos pola Oficialidá del Asturianu). Plaza de Miranda de l Douro, s/n. CP 33527 – Martimporra
(Bimenes). Afítase’l teléfonu de contactu ya información que vien darréu: 985700004.

5.- El plazu de presentación fina’l día 31 d’agostu de 2024 (fecha del matasellos de correos).

6.- El xuráu tará compuestu por trés miembros cualificaos y presidíu pol Alcalde de Bimenes. Los sos determinos nun podrán retrucase. Cualesquiera de los premios podrá quedar desiertu, según determín del mesmu.

7.- Les obres premiaes sedrán propiedá d’esti Conceyu y nun se devolverá d’oficiu nengún de los trabayos presentaos. Amás, la persona ganadora del concursu tará a disposición del
Conceyu Bimenes pa formar parte del xuráu nes dos ediciones siguientes, polo que, nesi tiempu, nun podrá participar nel certame.

8.- Nel actu institucional d’entrega premios, a celebrar na fecha qu’afite’l Conceyu Bimenes
tres l’apertura de pliques, fadráse una llectura pública del cuentu ganador del primer premiu na voz del so autor o autora.

9.- Afítense los premios que vienen darréu:

Primer premiu ……………………………. 700 €
Segundu premiu …………………………. 525 €
Tercer premiu …………………………….. 300 €

10.- La participación nesti concursu lleva con ella l’aceptación dafechu d’estes bases.

La entrada Bimenes convoca’l so concursu de cuentos n’asturianu se publicó primero en Formientu.

• Premiu Xuan María Acebal de poesía
• Premiu María Xosefa Canellada de lliteratura infantil y xuvenil
• Premiu Alfonso Iglesias de cómic
• Premiu Máximo Fuertes Acevedo d’ensayu
• Premiu Florina Alias a la meyor traducción al asturianu
• Premiu Xosefa Xovellanos de novela
• Premiu Enriqueta González Rubin de narrativa xoven
• Premiu Nel Amaro de teatru profesional
• Premiu Pachín de Melas de testos teatrales

Coles bases nueves, aprobaes en xineru d’esti mesmu añu, hai dellos cambios, que pueden consultase calcando equí.

Amás de los premios de la lliteratura asturiana, convocóse tamién el premiu Juan Uría Riu pa trabayos d’investigación que traten sobre aspectos de la cultura asturiana yá seyan de calter históricu, etnográficu, filolóxicu, musical o cualesquier que lleve al espardimientu y promoción de la mesma.

La entrada Convoquen los premios de la lliteratura asturiana del añu 2024 se publicó primero en Formientu.

• Van poder presentase al premiu toles persones que lo deseyen, seya la que seya la so nacionalidá y edá, con esceición de les que llograren el primer premiu n’ediciones anteriores d’esti Certame.
• Nun puen participar persones que desempeñen cualesquier mena de función o xera na Sociedá La Montera, incluyíos a estos efectos los miembros del Xuráu, o los sos familiares directos en primer grau.
• Establécense dos modalidaes: obres escrites n’asturianu y obres escrites en castellán. En caúna de les dos modalidaes, establécense dos categoríes: mayores d’edá y menores d’edá.
• Nengún participante va poder ser premiáu en más d’una categoría y, nel supuestu que se presentare en delles y fuera merecedor de ser premiáu naquelles, namás va otorgáse-y el premiu na modalidá y categoría con mayor dotación económica.
• Les obres presentaes a esti Certame tienen de tar escrites n’asturianu o castellán y tienen de ser cuentos inéditos, non premiaos enantes nin suxetos a compromisu dalgunu d’edición, pudiendo cada concursante unviar un únicu rellatu per modalidá. Magar que’l tema seya llibre, estimaráse que la obra seya espeyu de los valores que guiaron la vida del escritor de Les Cuestes.
• Los rellatos van presentase en lletra Times News Roman, tamañu de fonte 12 a doble espaciu y marxes estándar (marxe derechu: 3; izquierdu: 2,5; superior 2; inferior: 2), que representa unes 300 pallabres per páxina. La estensión mínima de cada rellatu va ser de 2 páxines y la máxima de 10 páxines. Los trabayos presentaos nun van llevar el nome del autor o autora, sinón que van ser roblaos con alcuñu.
•   Los orixinales van poder presentase de dos maneres:

* PER CORRÉU POSTAL: han unviase trés copies perfectamente lleíbles, escrites a dos espacios per una sola cara, grapaes na parte cimera del so marxe izquierdu. Cada trabayu tien d’axuntar un sobre zarráu que, per fuera, ha llevar escrito’l títulu del cuentu, alcuñu, idioma (asturianu/castellán) y categoría a la que se presenta (mayor d’edá/menor d’edá) y per dientro los siguientes datos: títulu del rellatu y alcuñu, nome completu del autor o autora, señes, teléfonu y corréu electrónicu. Too ello va unviase a les señes darréu:

SOCIEDAD LA MONTERA

II Certame Internacional de Cuentos Curtios “Mánfer de la Llera”

C/ Leopoldo Fernández Nespral, 29.

Llangréu / Langreo (33900 – Asturies).

​* PER CORRÉU ELECTRÓNICU: han unviase dos archivos de Word al corréu concursorelatos@lamontera.org. Nel asuntu tien de figurar: II Certame Internacional de Cuentos Curtios “Mánfer de la Llera”. Nel cuerpu del corréu namás va escribise l’idioma de la obra (asturianu / castellán) y la categoría a la qu’opta (menor d’edá mayor d’edá). Van axuntase dos archivos Word. Ún va contener el rellatu y va ser denomáu col títulu d’ésti. El segundu va contener los datos personales y va llamase “plica” siguío del títulu del rellatu

• Premios: establécense los premios que s’especifiquen darréu y que tarán suxetos a la normativa fiscal vixente:

PRIMER PREMIU ASTURIANU MAYOR D’EDÁ: 1.600€

PRIMER PREMIU ASTURIANU MENOR D’EDÁ: 400€

PRIMER PREMIU CASTELLÁN MAYOR D’EDÁ: 800€

PRIMER PREMIU CASTELLÁN MENOR D’EDÁ: 200€

• Plazu: La recepción d’orixinales va escomenzar el 14 de febreru de 2024 y va zarrase’l 30 d’abril de 2024. Van ser almitíos aquellos trabayos qu’amuesen el matasellos d’orixe con fecha igual o anterior al 30 d’abril.
• Xuráu: va designase un comité de llectura previu que va escoyer les obres sobre les que, darréu, va deliberar el XURÁU, que va tar integráu por personalidaes de les lletres y la cultura y por un miembru de la Xunta Directiva de la Sociedá La Montera que va actuar como Secretariu del mesmu, con voz, pero ensin votu. El Xuráu, que’l so fallu va ser inapellable, va tener la facultá de declarar erma la concesión de los premios si, al so xuiciu, los trabayos presentaos nun axunten méritos abondos.
• La entrega de premios va celebrase nel mes de xunetu de 2024 nun actu públicu cola presencia de los premiaos si son residentes n’Asturies. La non asistencia al actu supon l’arrenunciu al premiu.
• Los rellatos premiaos van quedar en poder de la Sociedá Cultural La Montera, siendo de la mesma la titularidá de los derechos d’esplotación, pudiendo editalos o espardelos pente medies de cualesquier mediu. L’usu discrecional de los cuentos premiaos nesti concursu pelos sos autores va quedar suxetu a l’autorización espresa de la Sociedá La Montera.  Podrán editase los rellatos nuna publicación conxunta por una reconocida editorial. Van poder ser incluyíos nesta edición, amás de los rellatos premiaos, aquellos que, pol so especial interés o calidá, considere’l Xuráu merecedores de ser incorporaos a dicha publicación. En tal casu, caún de los autores que vayan tener publicaos los sos rellatos va recibir de baldre trés exemplares de la citada edición. Los derechos d’autor xeneraos pola publicación de la edición o reediciones de les obres premiaes en volume conxunto, o d’una escoyeta de les mesmes, van entendese compensaos col premiu otorgáu, polo que, más allá d’esi casu, l’autor va cuntar cola plenitú del so exerciciu y derechu a publicación per otros calces.
• Los trabayos non premiaos nun se van devolver, siendo destruyíos los mesmos cuando acabe’l concursu.
• El fechu de participar nesti concursu implica l’aceptación de les sos Bases. Toles incidencies ensin prever nestes bases van ser resueltes pola organización en beneficiu del concursu.
• Va actuar de Secretariu Xeneral Executivu del Xuráu don Lluis Aique Iglesias Fernández, que va atender toles consultes sobre esti Certame nel teléfonu 654249547 y na dirección de corréu electrónicu ​organizacionconcurso@lamontera.org

La entrada La Sociedá La Montera convoca’l II Concursu Mánfer de la Llera de Narraciones Curties se publicó primero en Formientu.

Puede participar cualquier persona mayor de 16 años residente n’España (anque hai que tener en cuenta que les persones que fueren premiaes van tener espresa obligación de l’asistencia presencial nel actu d’entrega de premios o delegar nuna persona qu’actúe na so representación) que presente un relatu (máximu dos) que la so estensión nun supere les 200 palabres.

Establezse como premios, unu primeru consistente en diploma y 120 euros y otru finalista de 60 € y diploma. La temática ye llibre, pero tienen que ser obres orixinales ya inédites y pueden tar escrites n’asturianu o en castellán. Tol procesu de presentación de los trabayos realizar por corréu electrónicu.

Puedes consultar les bases completes equí.

La entrada Convoquen el V Concursu de Microrrellatos Luisa Rebollar «La Sariega» se publicó primero en Formientu.

Plazu de presentación hasta’l 1 de setiembre

Según disponen les bases, que pueden consultase íntegres na web www.xeitu.es, van poder participar trabayos de cualesquier de los pueblos de los conceyos de Vil.lablinu, Murias de Parés, Riello, Valdesamario, Sotu y Amío, Pandorial del Sil, Palacios del Sil, San Emiliano, Cabrillanes, Sena de Lluna y Los Barrios de Lluna (provincia de Llión) y La Somiedu, Cangas del Narcea y Degaña (Asturies). Nellos, l’autor o autores han arrexuntar cuantos topónimos puedan ser recoyíos nun llistáu, mapes, ortofotos y elementos similares, a criteriu de cada autor.

El premiu tien una dotación económica de 500 €, amás de la publicación de la obra ganadora na serie ‘Toponimia’ del Club Xeitu. El plazu de presentación d’orixinales ta abiertu hasta’l 1 de setiembre, y el fallu del xuráu, que va tar compuestu por persones venceyaes a la temática, va ser fechu públicu antes del 15 d’ochobre de 2024.

La entrada Convoquen el XII Concursu de recoyida de toponimia Concha de Lama se publicó primero en Formientu.