La cama
Constrúis un camín
de gases brillosos
paecíu a les estrelles
o a les manches nos charcos.
Hai una esfera
de realidá reservada
pa les tos entraes n’escena:
una amodo placentera.
Sería menos espesa la vida
ensin estos instantes
de concentración absoluta.
Ensin l’atención plena
en que la mio conciencia cai
frente a la to sorrisa.
Tamién sería fea la vida
ensin esa densidá
qu’esperimento al testificate.

Actu de fe
Selemente
dende un centru fundíu
y incandescente
esplegábase la perda.
La perda lenta,
teatral,
invisible.
Dio pasu a un enfadu
tamién incandescente,
llenu de pantasmes y llagunes.
Tou soterráu y desiertu agora,
pero esperanzáu
porque nun ye posible dexar de creer nel amor.

Vive en Madrid, pero pasó per Barcelona, Granada y Arxentina, y volvió a esta ciudá delles vegaes dempués de dala por muerta. Siempre tien morriña d’Asturies, anque dacuando nun s’atopa equí.

La entrada Lola del Gallego, nueva poeta moza n’asturianu se publicó primero en Formientu.

SOLEDÁ DEL H.OU
Na soledá del h.ou, el so silenciu pingáu
col clarión de los ñeveros, esi mar de
nubes que degola penriba los valles pero
dexa acolumbrar, tres del Sueve, el finxu’l
cielu.
Lleres impasibles, mudes, llambries segures
pero arispies, la busca d’un oasis de verdor
y agua en metá d’esi nada buxo y blanco
pol que nagües.
Silenciu xabaz que fai alcontrate contigo
mesmu, canales y desventíos per onde

cai la nuestra señaldá pero niciu
d’esperanza onde surde l’agua madre,
procreadora del tortuosu Cares que cuerre,
ensin sabelo, a la muerte o esperanza
d’una nueva mar.
Bendites crestes, seos y lleres
que nos faen sufrir y gociar!
Bendita tierra onde naciemos y pudiemos
Palpiar l’aspereza caliar d’estes montañes
enantes de xuntar la nuesa breve vida,
como la del Cares,
a la diosa Deva y a la mar.

SOMOS
Somos y nun somos. Somos los
llabradores del nuesu destín. Nun somos
amos del inaccesible Puertu Cuera
nin de les congostes canales de Los Urrieles
que lloren lleres calices vienientes de los
ásperos llambriales del Picu Urriellu
y de La Torre Cerréu. Somos el manancial que
surde xeláu de la H.uente Prieta del Cornión,
somos el ñeveru de Cemba Vieya, perpetuu
pero morriendo nel secañu de la seronda.
Poces escosaes y crestes infinites,
aguardando la nuesa prieta muerte
de la que también somos parte.

LA ORIELLA DEL GÜEÑA
Ruxe’l Güeña mansu na seronda per Cangues
pero bravu se torna na primavera cuando bebe
de los xeleros del Cornión.
Arrastra alcordances de los altos h.oos
de Les Peñes Santes,
onde les xabaces llambries son verticales,
infinites y arispies, dures y en caldia
como un h.ornu pel estíu, severes ya implacables,
pol xelu llabraes na nueche del iviernu.
Mientres, el padre Seya, vieyu arrieru que
sabe d’eses coses, baxa cansín pero reciu
arrecostinando la memoria de los altos
cumales d’Amieva y Ponga,
de les riegues qu’un día gociaron
del Monte Peloñu, de los manaciales de Llue
ente implacables desventíos onde
l’alcordanza de los homes perdióse cuantayá,
un mundiu olvidáu de los ponguetos beyuscos
que namás h.abla nes ruines de les muries
y les piedres de les cabañes qu’esbarrumben,
que caen ensin remediu
pa contra’l sumideru del escaezu.

La entrada Alfonso Martín Sánchez asoleya una esbilla de poemes se publicó primero en Formientu.

quiciás venga d’otru llugar;

quiciás, namás, cola mio mano puea (la) to cara tocar,

y sigue siendo dalgo probe pa poder esnalar.

Quiciás tenga de rimar n’asturianu;

Quiciás tenga de falar más;

Quiciás, igual, nun haiga tanto fatu falando en castellán,

por pensase aldeanu nuna gran ciudá.

Ayeri vite pela cai

acolumbráu poles estrelles,

que salen al to pasu encesu d’iluminidá;

rellumantes güeyos murnios de sinceridá,

porque t’avergoñaren una vuelta na Universidá.

Dixisti «ye» envede «es»,

mancóte nel coral…

Metralletes son pallabres na nuestra llucha ¿llocal?

Mira fía, too ta bien,

nun hai porqué tar asina,

fala cola «o» a la fin:

«Dixo NON con dinamita»

Nel trabayu, na oficina, hasta na comisaría:

La llingua pervivie, la llingua ta viva.

Fálenla los nenos, fálenla los grandes

y hasta los banqueros

güei escriben en «bable».

Fala’l guah.e na so escuela,

nel parque nel cañicón

y hasta Areces no ermuno

fala como Gausón.

La entrada «QUICIÁS… meyor n’asturianu», de Pablo M. Testa se publicó primero en Formientu.

la estación ye un formigueru.

Manganaos de xente arrastren

maletes enllenes de pena y, quién sabe

si la esperanza de volver a casa;

sólol ruíu de les ruedines esforgando l’asfaltu

tapez les pallabres de la despidida.

Son munchos pero a la vez tán solos,

solos abandonaos al debalu d’ilusiones escosaes,

solos escuenden les llárimes

mientres escluquen el reló encetaos de rabia

esperando detener el tiempu

que pasa y pesa so l’ánimu.

Son les diez de la mañana,

nel andén malapenes queda dalgún suañu rotu

y güeyos que miren con dolor

la llinia acabante marchar

ente un fumu buxo y prieto

que desdibuxa los primeros rayos de sol.

La entrada Poema de Claudia Elena Menéndez Fernández se publicó primero en Formientu.

ye un exemplu a siguir

L’aire les castañes

tráxome’l recuerdu

de les tos manes cuartiaes

pañando ente la fueya seco

los restos d’aquella castañal esgonciada.

Yes como yera ella:

corteza mayuca enraigonada na so tierra,

firme, serena… escomida de llaceria.

Nin la seronda ye quien a escosate les llárimes

que dacuando esbarien peles tos cañes

yá gaches, yá canses d’aguantase.

Anque pa ti sía siempre iviernu

una llume alita entá no más fondero,

ye’l sol que rescampla nos díes tristes…

Espérame otra vuelta, güelito

güei apetezme sentame a la to solombra.

La entrada «L’ aire les castañes», de Claudia Elena Menéndez Fernández se publicó primero en Formientu.

vertebraos terrestres que vivieron en nós.

Dixebramos piel, escames retóliques,

anque sigamos apegaos los dos con superglú.

Porque entamáremos a salir del agua nel Devónicu

ya entá nun tenemos sede.

Porque yá nun abariamos de cutiu en champales,

tenemos postíes d’estreganos ya tascanos ya asina nos va…

La entrada «Ichthyostega nun ye un home de muyer», de Francisco Priegue se publicó primero en Formientu.