La plataforma lliteraria Formientu.com, en collaboración con Algamar Producciones y Cuatro Gotes Producciones convoca’l I Concursu de guión de curtiumetraxe “Formientu” coles bases que van darréu:
BASES
1.- El guión va ser orixinal ya inéditu, esto ye, nun pudo ser lleváu a la pantalla nel momentu de presentase al concursu.
2.- El tema escoyíu va ser llibre y tendrá de tar escritu n’asturianu o gallego-asturianu.
3.- La estensión máxima van ser 10 páxines escrites con un tipu de lletra Arial de 12 puntos. Más allá de la llende establecida pa la estensión del testu, va tener d’incluyise una portada col títulu y nomatu de l’autora o autor, una sinopsis del guión y, opcionalmente, la caracterización de los personaxes.
4.- Los trabayos van ser unviaos per corréu a revistaformientu@gmail.com indicando nel mesmu nome de l’autora o autor, corréu lletrónicu, teléfonu y nomatu.
5.- La composición del xuráu va ser decidida por Formientu y resérvase’l derechu a declarar ermu dalgunu de los premios.
6.- El plazu para la presentación de los trabayos entama’l 15 de mayu de 2020 y acaba a les 24 hores del 15 de xunu de 2020. Nun se van almitir trabayos que se reciban con posterioridá a la fecha indicada.
7.- Establécense trés premios dotaos de diploma, llote de revistes Formientu, llibros y discos d’Algamar Producciones.
8.- Formientu comprométese a la publicación de los guiones o un estractu na revista, yá seya en formatu físicu o dixital, asina como a promover la grabación de los curtios, siempres que seya posible.
9.- La participación nel concursu implica la total aceptación d’estes bases. El xuráu va resolver cualesquier aspectu ensin reflexar n’elles.
Videu de Pablo A. Quiroga nel #FormientuEnCasaFest, falando de cómo facer un guión pa un curtiumetraxe.
