Van poder presentase obres n’asturianu que nun superen los dos minutos de duración y que cumplan les bases, como’l respetu de derechos d’autor o la temática, que nesti casu ye llibre.

La entrada POEX convoca’l II Concursu de Vídeopoemes se publicó primero en Formientu.

El plazu de presentación de los trabayos remata’l 10 d’ABRIL de 2023 y van ser apurríos o unviaos per corréu (en papel o en lápiz USB) a la Secretaría del Centru IES Rosario d’Acuña: C/ Puertu de Vegarada s/n, 33207 Xixón.

Los premios van poder ser declaraos desiertos o concedese “ex-aequo” a pidimientu del Xuráu. Aparte del testu, cada trabayu va acompañar de la documentación gráfica (semeyes, ilustraciones y gráficos) que cada participante considere oportunu. Tolos trabayos van quedar a disposición del IES Rosario d’Acuña. L’institutu va fomentar la publicación de los trabayos premiaos, na midida de les sos posibilidaes y en collaboración colos sos autores.

El fallu del Xuráu va faese públicu’l 3 de mayu de 2023 y va ser inapellable. Tolos participantes comprométense a l’aceptación d’estes bases. Los o les ganadores de les distintes modalidaes comprométensea participar nun actu de presentación de los sos trabayos énte alumnos d’Educación Secundaria.

CATEGORIES

• Premiu d’investigación pa estudiantes d’Enseñanza Secundaria del Principáu d’Asturies (ESO, Bachilleratu y Ciclos Formativos)

Cada trabayu va venir respondíu por por un profesor/a del Centru nel qu’el/los participantes cursen estudios. Los trabayos van ser orixinales y tendrán de referise a aspectos del pasáu, presente o futuru de Xixón o del Principáu d’Asturies. Van poder tratar sobre cualquier tema (naturaleza, economía, sociedá, lliteratura, hestoria, xeografía, arte, folclor, llingua asturiana, etc.).

Los orixinales van presentase baxu lema o seudónimu. Nun sobre zarráu va figurar el lema o seudónimu y la referencia a la Categoría: Estudiantes”. Nel interior del sobre, los datos personales de les o los autores. Tamién va figurar el nome del Centru educativu nel que s’atopen matriculaos y tfno. de contactu. Los trabayos van tener una estensión máxima de 50 pág. DIN-A4 (ensin enllibrar), 2.100 calteres por páxina.

La dotación del premiu pa la categoría d’estudiantes ye de 500 €.

• Premiu d’investigación pa cualquier investigador, ensin necesidá de que sía estudiante, que trate sobre aspectos rellacionaos col conceyu de Xixón o’l Principáu d’Asturies.

Los trabayos van ser orixinales y tendrán de referise a aspectos del pasáu, presente o futuru de Xixón o’l Principáu d’Asturies. Van Tratar sobre cualquier tema (naturaleza, mar, campu, industria, lliteratura, comerciu, turismu, folclore, hestoria, xeografía, arte, economía, sociedá, llingua asturiana, etc.).

Los orixinales van presentase baxu lema o seudónimu. Nun sobre zarráu va figurar el lema o seudónimu y la referencia a la Categoría: Investigadores”. Nel interior del sobre, los datos personales del autor o autora: nome, DNI, dirección y teléfonu. Los trabayos van tener una estensión ente 50 y 150 pág. DIN-A4 (ensin enllibrar), 2.100 calteres por páxina.

La dotación del premiu va ser de 1.500 €.

La entrada L’IES Rosario de Acuña de Xixón convoca’l XXV Premiu d’Investigación se publicó primero en Formientu.

El profesor d’esti cursu va ser Sergio Buelga, monitor d’ociu y tiempu llibre, d’aniamación sociocultural y d’educación ambiental, desempeñándose nestes xeres dende l’añiu 2000. Dende xunu de 2020 lleva la marca La Buelga, Animación y Cultura, especializándose n’actividaes de cultura tradicional asturiana y artes escéniques, vehiculaes n’idioma asturianu. Amás, ye l’actual direutor escénicu de la Compañía Asturiana de Comedies, grupu onde actúa dende’l 2004. Estrenó varies pieces de microteatru, sainetes y diálogos, amás de delles obres de llarga duración: La máquina de retratar (2016), Les fiestes de guardar (2017), El faru (2019) y ¡Milagru! (2022). La so propuesta Los tus amigos nun t’olviden convirtióse nel curtiumetraxe Menos llobos, d’Adolfo Camilo Díaz.

Pa matriculase nesti cursu hai que tener conocimientos previos. Esti cursu va poder tener variaciones d’horariu en dalgunes sesiones pa facer salíes. El radioteatru ye un xéneru dramáticu qu’amiesta les téuniques de les llectures dramatizaes coles ferramientes de la radiodifusión. Entama a primeros del sieglu XX, cuando la radio ye’l principal mediu de comunicación de mases, como un mediu d’apurrir espacios afayadizos pa un públicu que reclama conteníos culturales y d’entretenimientu. N’Asturies, tal fechu prodúzse mui llueu, cola incorporación a la emisora EAJ-34 d’un grupu artísticu procedente de delles compañíes de Teatru Popular Asturianu y consolidaráse con figures de la importancia de Juan José Plans. Anguaño, el radioteatru yá nun depende tanto de les emisores radiofóniques al xeneralizase un formatu más democráticu d’asoleyamientu, el podcast dixital, que permite fórmules más personales y particulares d’espresión dramática. Nesti taller analizaránse les diferentes formes históriques del xéneru, parando en la realización de los testos, la direición escénica y les téuniques d’interpretación, locución y grabación de conteníos dramáticos. La finalidá ye ufrir un conocimientu xeneral del xéneru dramáticu denomináu radioteatru, empobinándolu a la realización de podcast.

La entrada La UP de Xixón ufierta un cursu de radioteatru se publicó primero en Formientu.

Esti miércoles, 28 d’avientu, coincidiendo col día de los Santos Inocentes, el poeta va tar faciendo un reality poéticu, col envís de siguir la llinia de la obra. Poro, Diego Solís va tar firmando llibros y escribiendo poemes inéditos en directu na oficina de Cuatro Gotes Producciones (cai Emilio Tuya 51, Xixón).

Volvemos en 6 minutos ye una obra onde nos alcontramos con una llectura fácil y que viaxa ente la televisión y lo dixital. Como nun podía ser d’otra manera, Volvemos en 6 minutos anicia’l so camín dende la Televisión del Principáu d’Asturies y con daqué tan clásicu de la cadena como una película de vaqueros que viaxa hasta Les Vegues y el so famosu cartel, anque nesti casu fálase de Corvera, non de Nueva York.

TCM, Netflix, HBO… toda una montonera de plataformes y canales colos qu’esfrutar o fadiar tienen sitiu nesti proyecto a mou de crítica social con películes y series, como La Naranxa Mecánica, Black Mirror (o espeyu negru) o La Llamada, ente otres. Pero non solo eso. Nun mundu dixital onde la televisión va perdiendo fuercia, les apps del móvil garren tamién un papel bien importante na composición de Volvemos en 6 minutos, criticando la casi dependencia y la necesida del so usu por parte de la sociedá en xeneral. Too ello pa rematar… como casi siempres rematen los canales de televisión: con una pausa publicitaria de contino que va de 6 minutos en 6 minutos, anque nesti casu la intención seya volver hasta lo eterno, daqué que casi se pue facer colos códigos QR qu’escuende cada poema del escritor xixonés.

La entrada Diego Solís entama un reality poéticu en Xixón se publicó primero en Formientu.

La presentación de «Volvemos en 6 minutos» en Xixón va desenvolvese, precisamente, na oficina de Cuatro Gotes Producciones (C/ Emilio Tuya 51) esti vienres 16 d’avientu a partir de les 19:00 hores. Nel actu, va tar acompañáu por Jennifer Berrocal, componente de la productora y Marta Mori, escritora.

Amás, Cuatro Gotes Producciones convida a los asistentes a un brinde navidiegu con sidra asturiana, acompañáu de dulces típicos.

La entrada Diego Solís presenta «Volvemos en 6 minutos» en Xixón se publicó primero en Formientu.

Vincitur inimicus cunta la hestoria d’Alfonso II, a mediu camín ente la realidá y la ficción, al traviés de los güeyos de Pelayu, un monxu amanuense que conoz al rei nel so retiru n’Ablaña y recibe l’encargu d’escribir la so crónica. Una mirada enllena matices al rodiu del monarca, esmolecíu por afitar el poder d’Asturies énte l’amenaza sarracena o l’influxu de Carlomagnu.

Vincitur inimicus ye la segunda novela de Xandru Martino Ruz pa públicu adultu y la segunda qu’espubliza con Delallama Editorial. Nel 2020 asoleyó, tamién n’asturianu, la novela histórica Nunn, que narra la invasión romana d’Asturies y que foi un ésitu rotundu que sigue algamando llectores.

La entrada Xandru Martino presenta Vincitur inimicus en Xixón se publicó primero en Formientu.