{"id":1752,"date":"2018-12-12T11:15:36","date_gmt":"2018-12-12T10:15:36","guid":{"rendered":"http:\/\/www.formientu.com\/?p=1752"},"modified":"2018-12-12T11:42:03","modified_gmt":"2018-12-12T10:42:03","slug":"maxi-arenes-presenta-cuentinos-dende-arenes-na-llibreria-la-llocura-de-mieres","status":"publish","type":"post","link":"https:\/\/www.formientu.com\/noticies\/maxi-arenes-presenta-cuentinos-dende-arenes-na-llibreria-la-llocura-de-mieres\/","title":{"rendered":"Maxi Are\u00f1es presenta \u00abCuentinos dende Are\u00f1es\u00bb na Llibrer\u00eda La Llocura de Mieres"},"content":{"rendered":"
El m\u00fasicu Maxi Are\u00f1es torna a la Llibrer\u00eda La Llocura de Mieres del cam\u00edn pa presentar el so llibru \u00abCuentinos dende Are\u00f1es\u00bb, ilustr\u00e1u por Maitetxu Isla. Nel actu, que va celebrase’l vienres 14 a les 19 hores, va\u00a0tar acompa\u00f1\u00e1u pol escritor, xestor cultural y presentaoddor de TPA, Ismael Mar\u00eda Gonz\u00e1lez Arias y pola panderetera Silvia Su\u00e1rez.<\/p>\n
Maxi Are\u00f1es ta nesti momentu inmersu nuna xira na que va percorrer otros conceyos y llugares presentando’l volume de cuentos. El vienres 21 va tar en Villamayor y el s\u00e1badu 22, en Coya, dambos llugares del conceyu de Pilo\u00f1a.<\/p>\n
Maxi Are\u00f1es<\/strong> (Xix\u00f3n, 1972) tien una amplia trayectoria como m\u00fasicu y como impulsor de diverses y variaes iniciatives culturales, ente les que destaquen esposiciones art\u00edstiques, alcuentros po\u00e9ticos, charres sobro les m\u00e1s diverses tem\u00e1tiques, conciertos y tou tipu d’eventos nos que la cultura ye’l filu conductor.<\/p>\n El llibru \u00abCuentinos dende Are\u00f1es\u00bb ye una serie o compilaci\u00f3n de cuentos curtios de tem\u00e1tica aleg\u00f3rica de perfil social, cotidianu, pol\u00edticu y hasta ciertu puntu filos\u00f3ficu.<\/p>\n Na llinia de les f\u00e1bules d’Esopo, estos \u00abCuentinos dende Are\u00f1es\u00bb pretenden dar un saltu dende lo peque\u00f1o y concreto hasta lo universal, estrapolando asina too aquello que mos ye com\u00fan, vivamos onde vivamos. Con pr\u00f3logu d’Enrique Carballeira (ilustrador y periodista de reconocida trayectoria) y coles ilustraciones de Maitetxu Isla (ilustradora y artista multidisciplinar), estos \u00abCuentinos dende Are\u00f1es\u00bb averen a tolos p\u00fablicos, por mor del calter aleg\u00f3ricu de les sos narraciones, los m\u00e1s peque\u00f1os pueden da-y una llectura m\u00e1s cenciella y hasta c\u00f3mica, y al empar, el p\u00fablicu adultu va poder estrayer otres conclusiones, reflexones o gui\u00f1os extrapolables a la realid\u00e1 m\u00e1s cotidiana, con tintes munches vegaes de cr\u00edtica social o pol\u00edtica. Escritu \u00edntegramente en asturianu, rev\u00e9lase tami\u00e9n como una reivindicaci\u00f3n de lo propio, de la identid\u00e1 de too un pueblu qu’aguanta en llucha permanente, defendiendo’l so patrimoniu cultural y humanu.<\/p>\n Les narraciones de Maxi Are\u00f1es t\u00e1n escrites y creaes dende un peque\u00f1u requexu na redolada m\u00e1s rural d’Asturies, onde la tradici\u00f3n oral al travi\u00e9s de cuentos, lleendes y hestories que pasen de xeneraci\u00f3n en xeneraci\u00f3n conformaron la evoluci\u00f3n de les sos xentes, de los sos ne\u00f1os, del imaxinariu colectivu, de los mieos, rises y esperances de los sos habitantes. M\u00e1s que recomendable pa toes aquelles persones qu’esfruten de la fantas\u00eda, que gocien con curtios momentos de fuximientu lliterariu, y que quieran enfusase y averase a la llingua y tradici\u00f3n asturiana.<\/p>\n Los rellatos del llibru tienen como personaxes principales a animales, persones y seres mitol\u00f3xicos qu’inda na actualid\u00e1 tienen muncho pesu nel calter asturianu y que tienen los sos raiga\u00f1os na mitolox\u00eda celta, acomu\u00f1ada a la naturaleza y a les sos fuerces poderosu y misteriosu: el cu\u00e9lebre, la xana, el nuberu, el trasgu…encarnen fuercies de la naturaleza o esplicaciones m\u00e1xiques a fen\u00f3menos sorprendentes. Esti compendiu de cuentos puede ser tami\u00e9n xuna ferramienta pedag\u00f3xico ideal p’animar a los m\u00e1s pequenos a la llectura y a la fantas\u00eda, al viaxe mental que sup\u00f3n la llectura; puede usase en cuentacuentos, en biblioteques, n’escueles….inclusive en peque\u00f1es representaciones teatrales o con marionetes, aguiyando d’esta manera inda m\u00e1s la imaxinaci\u00f3n. Gallos, pites, raitanes, melandros, gochos, tordos, gatos y dem\u00e1s fauna encabecen un repertoriu que xunto con esos seres mitol\u00f3xicos de calter m\u00e1xicu tresp\u00f3rtennos a un mundu imaxin\u00e1u ya imaxinariu que remembra la infancia, al empar que mos convida a ser testigos d’una vida cuasi perdida nos pueblos d’Asturies, nos que l’agricultura, la ganader\u00eda y les estaciones del a\u00f1u rex\u00eden la cotidianid\u00e1 de los sos habitantes axunt\u00e1ndolos al escurecer alredor de les cocines de lle\u00f1a o carb\u00f3n pa cuntar lleendes, cuentos, o an\u00e9cdotes qu’acompa\u00f1aben depu\u00e9s los sos sua\u00f1os.<\/p>\n","protected":false},"excerpt":{"rendered":" El m\u00fasicu Maxi Are\u00f1es torna a la Llibrer\u00eda La Llocura de Mieres del cam\u00edn pa presentar el so llibru \u00abCuentinos dende Are\u00f1es\u00bb, ilustr\u00e1u por Maitetxu Isla. Nel actu, que va celebrase’l vienres 14 a les 19 hores, va\u00a0tar acompa\u00f1\u00e1u pol escritor, xestor cultural y presentaoddor de TPA, Ismael Mar\u00eda Gonz\u00e1lez Arias y pola panderetera Silvia […]<\/p>\n","protected":false},"author":1,"featured_media":1753,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[59],"tags":[],"yoast_head":"\nEL LLIBRU<\/strong><\/h3>\n