{"id":1954,"date":"2019-04-30T19:53:27","date_gmt":"2019-04-30T18:53:27","guid":{"rendered":"http:\/\/www.formientu.com\/?p=1954"},"modified":"2019-04-30T19:53:27","modified_gmt":"2019-04-30T18:53:27","slug":"ediciones-trabe-asoleya-dos-novedaes-na-selmana-de-les-lletres-asturianes","status":"publish","type":"post","link":"https:\/\/www.formientu.com\/noticies\/ediciones-trabe-asoleya-dos-novedaes-na-selmana-de-les-lletres-asturianes\/","title":{"rendered":"Ediciones Trabe asoleya dos novedaes na Selmana de les Lletres Asturianes"},"content":{"rendered":"
Ediciones Trabe ta acabante sacar al merc\u00e1u dos llibros nuevos coincidiendo cola Selmana de les Lletres Asturianes. El poemariu Allumamientu<\/strong><\/em>, de Pablo Tex\u00f3n<\/strong>, que gan\u00f3 con esti volume’l XXIV Premiu \u00abXuan Mar\u00eda Acebal\u00bb y Los llazos coloraos<\/em><\/strong>, una novela gr\u00e1fica d’Alberto V\u00e1zquez Garc\u00eda<\/strong> que se fixo col IX Premiu \u00abAlfonso Iglesias\u00bb de c\u00f3mic.<\/p>\n <\/a><\/p>\n Allumamientu<\/strong><\/em>\u00a0ye una obra de gran orixinalid\u00e1 tem\u00e1tica, na que l\u2019autor fai una fonda y personal reflex\u00f3n al rodiu la paternid\u00e1, esperiencia nueva pa elli y mui emocional. Pablo Tex\u00f3n d\u00e9xanos ver nestes composiciones la facilid\u00e1 cola que ye a remanar distintos ritmos y estilos en poemes que van de lo popular (a\u00f1ada, blues) a lo visual, ensin escaecer les influencies d\u2019autores como Raymond Carver, Sylvia Plath o Emily Dickinson. El result\u00e1u ye un poemariu qu\u2019emociona y estremez, que fai repensar la vida, sentila tan fr\u00e1xil y d\u00e9bil, tan igual, tan distinta, tan \u00fanica y, por embargu, repetida.<\/p>\n Pablo Tex\u00f3n Casta\u00f1\u00f3n<\/strong> (Felechosa, Ayer, 1977) ye poeta, narrador, articulista y traductor de reconoc\u00edu prestixu nel mundu lliterariu asturianu. Tien publicaos los poemarios\u00a0Toles siendes<\/a>\u00a0<\/em>(Premiu \u00abNen\u00e9 Losada Rico\u00bb 2003) y\u00a0La culpa y la lluz<\/a><\/em>\u00a0(Premiu \u00abTeodoro Cuesta\u00bb 2006) y el volume de cuentos\u00a0Catedral<\/a>.<\/em>\u00a0Nel 2017 recopil\u00f3 tola so poes\u00eda en\u00a0Media vida. Poemes y cantares<\/em>. Como traductor dio a imprenta la versi\u00f3n asturiana de\u00a0Xulia<\/a>,<\/em>\u00a0d\u2019August Strindberg (2007), y ye responsable de la selecci\u00f3n y traducci\u00f3n de la poes\u00eda de Raymond Carver recoyida n\u2019Un corte de pelo\u00a0<\/em>(2013). Collaborador en dellos diarios d\u2019Asturies, ye, am\u00e1s, lletrista de grupos musicales y cantautores asturianos (Dixebra, Verdasca, Alfredo Gonz\u00e1lez, Toli Morilla). Esti vienres va ser recib\u00edu como nuevu miembru de l’Academia de la Llingua Asturiana.<\/p>\n<\/div>\n<\/div>\n