{"id":4683,"date":"2022-06-09T10:29:01","date_gmt":"2022-06-09T09:29:01","guid":{"rendered":"http:\/\/www.formientu.com\/?p=4683"},"modified":"2022-06-09T10:29:01","modified_gmt":"2022-06-09T09:29:01","slug":"una-selmana-pal-entamu-de-la-feria-del-llibru-de-xixon","status":"publish","type":"post","link":"https:\/\/www.formientu.com\/noticies\/una-selmana-pal-entamu-de-la-feria-del-llibru-de-xixon\/","title":{"rendered":"Una selmana pal entamu de la Feria del Llibru de Xix\u00f3n"},"content":{"rendered":"
La Feria del Llibru de Xix\u00f3n va celebrase esti a\u00f1u del 13 al 19 de xunu, ente’l Pas\u00e9u de Bego\u00f1a y la cai Tom\u00e1s y Valiente, xunto a la Plaza’l Parch\u00eds. La nueva etapa de la Feria del Llibru empecipiada en 2020 y llega a la so tercer edici\u00f3n col enfotu de siguir avanzando nun proyectu distintu al habitual nesti tipu d’eventos.<\/p>\n
Acordies colo qu’espliquen los organizadores \u00abLa primer intenci\u00f3n ye que’l programa cultural nun seya nam\u00e1s un complementu de l’activid\u00e1 comercial alredor del llibru. Pretendemos ufiertar daqu\u00e9 distintu al encadenamientu de presentaciones de novedaes lliteraries o a la presencia de dos o tr\u00e9s robles llamatives que nun dexen m\u00e1s buelga que la so cobertoria medi\u00e1tica. Presentamos pa ello un programa dise\u00f1\u00e1u con un criteriu independiente de les novedaes editoriales o de les llistes de llibros m\u00e1s vend\u00edos\u00bb.<\/p>\n
Ente los nomes que van presentar o lleer la so obra nesta feria, apaecen dellos n’asturianu, como Mar\u00eda Esther Garc\u00eda L\u00f3pez, Inaciu Gal\u00e1n, Xaime Mart\u00ednez, Alfredo Garay o Ram\u00f3n Lluis Bande, ente otros. Am\u00e1s, van tener caseta editoriales qu’editen n’asturianu, como Ediciones Trabe, Cuatro Gotes Ediciones, Impronta, Radagast, BaxAmar, Delallama, Pintar-Pintar y Hoja de Lata, ente otres.<\/p>\n