22.11.2023: La Tertulia Malory, de L\u2019Entregu, escoy\u00f3 como meyor llibru n\u2019asturianu de tolos que s\u2019editaron nel 2022 la novela Tiempu d\u2019escoria, del escritor Xos\u00e9 Nel Riesgo. El xur\u00e1u form\u00e1ronlu los escritores Xulio Arbes\u00fa, Jos\u00e9 Luis Rendueles, Solinca Turb\u00f3n, Roberto Corte, Aique Fernandi, Beatriz Quintana Coro, David Fern\u00e1n, Chechu Garc\u00eda y Henrique G. Facuriella, que fallaron el premiu nun actu celebr\u00e1u na tertulia\u2019l s\u00e1badu 18 de payares de 2023.<\/p>\n
El xur\u00e1u destac\u00f3, nel acta del fallu, c\u00f3mo \u00abdende los g\u00fceyos d\u2019un ne\u00f1u y con una narrativa mui \u00e1xil, l\u2019autor constr\u00fai un testimoniu, en forma de cr\u00f3nica, de la vida nes barriaes del Avil\u00e9s industrial de los a\u00f1os setenta del sieglu XX, al empar que ye quien a emocionanos col procuru y fondura colos que recuerda la figura materna\u00bb; el xur\u00e1u tami\u00e9n quixo rescamplar la gran calid\u00e1 de la producci\u00f3n lliteraria n\u2019asturianu del a\u00f1u 2022, lo que fixo que la decisi\u00f3n de premiar la novela de Xos\u00e9 Nel Riesgo se garrara por mayor\u00eda depu\u00e9s d\u2019una votaci\u00f3n bien encesa.<\/p>\n
El gallard\u00f3n consiste nuna ilustraci\u00f3n d\u2019Alfonso Zapico y una medaya conmemorativa, que se van entregar nun actu p\u00fablicu en L\u2019Entregu en feches pr\u00f3ximes. Esta ye la decimosegunda vez que\u2019l grupu concede esti premiu, l\u2019a\u00f1u pas\u00e1u result\u00f3 ganadora la novela de Xulio Viejo Onde\u2019l caos se texe y se destexe y, n\u2019ediciones anteriores, premi\u00e1ronse les obres Les isles inciertes, de Xuan Bello; Memoria de Tu\u00f1a, d\u2019Ant\u00f3n Garc\u00eda;
\nIncorrectos, de David Artime; El llibru p\u00f3stumu de Sherezade, de Raquel F. Men\u00e9ndez; Lluvia d\u2019agostu, de Francisco \u00c1lvarez; L\u2019aire ente la rama, d\u2019\u00c1ngeles Carbajal; M\u00e1s espeso que l\u2019agua, de Consuelo Vega; Carne de melandru, de Milio Rodr\u00edguez Cueto; La Chelita, de Ruma Barbero, y La \u00f1eve del Cuquiellu, de Xabiero Cayarga. Con esti gallard\u00f3n, el grupu que lu entama quier prestixar les lletres asturianes, al tiempu que se da difusi\u00f3n a les obres que, a criteriu del xur\u00e1u, se consideren los meyores llibros escritos cada a\u00f1u n\u2019asturianu.<\/p>\n
Tiempu d\u2019escoria ye la quinta novela de Xos\u00e9 Nel Riesgo, depu\u00e9s d\u2019El cai nunca duerme (1988), Parque tem\u00e1ticu (2005), Escrito na ceniza (2007) y Venti negrinos (2014). Tiempu d\u2019escoria ye una novela narrada dende una se\u00f1ard\u00e1 amargurienta y, en della midida, an\u00f3nima, porque\u2019l protagonista y narrador nun tien nin tan siquiera nome. Pero esto faila ent\u00e1 m\u00e1s universal, a lo menos, m\u00e1s xeneracional: una xeneraci\u00f3n d\u2019asturianos f\u00edos del desarrollismu qu\u2019arrecostinaron con tolos debes d\u2019esti y con dalg\u00fan de los sos haberes. La muerte de la madre fai al narrador alcordase de los d\u00edes d\u2019infancia nos barrios por construir del Avil\u00e9s industrial de los primeros a\u00f1os de la d\u00e9cada de los setenta del sieglu pas\u00e1u. A la contra de l\u2019Asturies del desenrollu y rica que nos contaron, l\u2019Asturies real, la de la escoria y el subdesarrollu, la de la contaminaci\u00f3n y les barriaes obreres enllenes de xente allegao de les zones rurales o de fuera, ye la que retrata esta novela. Cu\u00e9ntala un adultu qu\u2019ent\u00e1 recuerda la emoci\u00f3n del nenu que foi al dir d\u2019espedici\u00f3n pel r\u00edu \u00abcondoneru\u00bb, o\u2019l mieu al albidrar dellos misterios de la vida a los que nun-yos dio nome hasta munchos a\u00f1os depu\u00e9s, cuando y\u00e1\u2019l mundu yera otru y \u00e9l y\u00e1 nun yera\u2019l mesmu.<\/p>\n
Xos\u00e9 Nel Riesgo (Avil\u00e9s, 1963) ye llicenci\u00e1u en Xeograf\u00eda y m\u00e1ster n\u2019Historia y An\u00e1lisis Sociocultural pola Universid\u00e1 d\u2019Uvi\u00e9u. Angua\u00f1o pon clas na Ense\u00f1anza Secundaria Obligatoria. Xunta Dolfo Camilo D\u00edaz fund\u00f3 nos a\u00f1os ochenta del sieglu pas\u00e1u la revista lliteraria Al Bellume. Narrador de muncha sonad\u00eda, de llingua r\u00e1pida, chanciosa y aceda, diose a conocer con El cai nunca duerme (1989), novela de x\u00e9neru, cola que se sum\u00f3 a una corriente bien de moda daquella n’Asturies. Tres d\u2019a\u00f1os ensin publicar novela, nel 2005 sac\u00f3 Parque tem\u00e1ticu, pa siguir con Escrito na ceniza (2007) y Venti negrinos (2014), cuasimente una segunda parte de la cr\u00edtica y co\u00f1ona Parque tem\u00e1ticu.<\/p>\n","protected":false},"excerpt":{"rendered":"
22.11.2023: La Tertulia Malory, de L\u2019Entregu, escoy\u00f3 como meyor llibru n\u2019asturianu de tolos que s\u2019editaron nel 2022 la novela Tiempu d\u2019escoria, del escritor Xos\u00e9 Nel Riesgo. El xur\u00e1u form\u00e1ronlu los escritores Xulio Arbes\u00fa, Jos\u00e9 Luis Rendueles, Solinca Turb\u00f3n, Roberto Corte, Aique Fernandi, Beatriz Quintana Coro, David Fern\u00e1n, Chechu Garc\u00eda y Henrique G. Facuriella, que fallaron […]<\/p>\n","protected":false},"author":1,"featured_media":5394,"comment_status":"closed","ping_status":"closed","sticky":false,"template":"","format":"standard","meta":{"amp_status":"","footnotes":""},"categories":[59],"tags":[],"yoast_head":"\n