La bolsa o la vida plantea d’una forma clara, didáctica y amena diferentes perspectives de la crisis ecolóxica na que tamos. Dende la causa central o la necesidá imperiosa de crecer del sistema económicu, pasando pel síntoma principal: la emerxencia climática; hasta acabar con unes propuestes polítiques que nacen de la necesidá de poner frenu a un ritmu de producción y destrucción de la naturaleza nunca vistos. Tocónos vivir una de les époques más trescendentes de la historia de la humanidá. El día a día nel que vivimos llévanos a ser peones nuna partida d’axedrez onde’l capitalismu s’enfrenta contra cualquier forma de vida presente nel planeta. Como la forma de vida de les sociedaes occidentales d’anguaño ye namás una ilusión xenerada pola disponibilidá escomanada d’enerxía que se va acabar, a los d’abaxo nun nos queda otra qu’empoderanos, collaborar y construyir un futuru meyor onde vivir más felices y n’equilibriu cola naturaleza. Estes páxines sirven pa demostrar qu’hai camín, que nun tais solos y que la victoria climática pue algamase.

La entrada Aida Celemín fai la traducción de «La bolsa o la vida» al asturianu se publicó primero en Formientu.

La Presentación del décimu títulu de la colección Calume d’Ediciones Trabe, el llibru ‘Cacofonía’ de la escritora senegalesa Ken Bugul va facese esti xueves 11 d’abril na Llibrería Trabe. Na presentación van intervenir la traductora, Marta Mori d’Arriba, y el director de la colección Calume, Rafa R. Valdés.

La entrada Preséntase la traducción al asturianu de «Cacofonía», de Ken Bugul, n’Uviéu se publicó primero en Formientu.

Nel casu primeru, ye parte de la coleición Terrén, que  echa a andar con La cultura tradicional en Llaviana, volume que recueye, en cuatro capítulos, una parte de la estensa obra del académicu correspondiente Vicente Rodríguez Hevia, asoleyada a lo llargo los años nes publicaciones periódiques de l’Academia de la Llingua Asturiana (ALLA).

Conformen estos testos un corpus pernecesariu pal entendimientu cultural, social, económicu y territorial del conceyu de Llaviana y reconocen al autor llavianés nel so llabor investigador. Nesti volume trátense los temes rellacionaos col espaciu cultural tradicional: los periodos de la güerta y la collecha, l’usu del horru como’l foru del pueblu, la toponimia menor, etc. A ello amiéstase un repasu históricu del aprovechamientu de recursos del ríu y el monte y una descripción de les celebraciones del conceyu Llaviana. Amás, la obra preséntase esti vienres 5 d’abril nel CIDAN de La Pola Llaviana.

Nel casu segundu, el númberu 130 de Lletres Asturianes (LLAA), correspondiente al mes de marzu del añu 2024, agospia artículos qu’estudien aspeutos llingüísticos, lexicográficos, toponímicos, históricos y lliterarios. Estes contribuciones, de gran valir, faen por enanchar el corpus de la publicación y de los estudios sobre la llingua y la lliteratura asturianes.

D’outro llao, el Academia anuncióu a creación d’úa revista lliteraria en eonaviego col oxetivo de que 2024 sexa un año de creación, de crecimento da cultura y lliteratura eonaviega y da mocedá. Pra ello, piden colaboracióis y abren a recepción de manuscritos hasta el 30 de xunio de 2024. Van aceptar testos de calquer xénero lliterario núa revista que vai llevar por nome Viermo Carpinteiro.

La entrada L’Academia de la Llingua Asturiana anuncia dos publicaciones nueves y recepción de manuscritos n’eonaviego se publicó primero en Formientu.

Esti añu, los premios de la Crítica son estos:

Modalidá ensayu

XXII Premio de la Crítica, ensayo en castellanu a la obra titulada Vavilón en España Editorial Rema y Vive, de la que ye autor Pablo Huerga Melcón.

XXII Premio de la Crítica, ensayo n’asturianu, a la obra titulada Una ciencia sin enfotu Editorial TRABE, de la que ye autor Ramón d’Andrés Díaz-Madariaga.

Modalidá Lliteratura Infantil

XXII Premio de la Crítica Literatura Infantil a la obra tituladas Pilgrís, Velocismo Editorial, autora: Cristina García Marcos.

Modalidá teatru

XXII Premio de la Crítica, teatro en castellanu a la obra titulada De Dolores a Lola de Laura Camafreito Beato.

XXII Premio de la Crítica,teatro n’asturianu a la obra titulada Milagru de Sergio Buelga Casas.

XVII Premio de les Lletres d’Asturies

Entrégase a Carmen Rodríguez Nozal,poeta xixonesa residente en México y socia de la
Asociación d’Escritores d’Asturies. Concedíu por unanimidá pol xuráu compuestu pola
Xunta Directiva de l’AEA.

La entrada Los Premios de la Crítica y de les Lletres d’Asturies entréguense esti vienres se publicó primero en Formientu.

El xuráu, formáu por Laura Casielles, César Cañedo y Paula Melchor, la ganadora de la primer edición, premiaron l’atueldu de Camín de l’agua, la lentitú y el remansu nel que pace el llibru para dir construyendo les imaxes con aselu, al so propiu ritmu, lloñe de la inmediatez y l’aceleración d’estos tiempos. Esti poemariu n’asturianu avéranos al pueblu, a la memoria, y facer revisando los llugares y les persones qu’habiten estos espacios escaecíos, los que nun se nomen, por aciu una poesía que, en palabres de Paula, arramar de les manos.

El so autor, Francisco Fernández Álvarez (Uviéu, 1992), ye doctor en física pola Universidá del País Vascu. Mientres el 2023 realizó una estancia posdoctoral na Universidá Queen Mary de Londres. El so trabayu enmarcar nel campu de la gravitación teórica, basándose en métodos xeométricos. Anguaño mora en Bilbao

La entrada Francisco Fernández, ganador del II Premio de Poesía Letraversal con un poemariu n’asturianu se publicó primero en Formientu.

La entrada Guah.es Terribles entama un aquelarre lliterariu en Mieres se publicó primero en Formientu.