Un añu más se convócase’l Concursu Lliterariu “Salud y Mujer”, entamáu dende la Conceyalía d’Igualdá, la Biblioteca As Quintas y l’Escola Municipal de Salú del Conceyo d’El Franco. Ye un concursu de rellatos curtios pa promocionar la salú de la muyer rural. El plazu de presentación allega hasta’l 25 de febreru de 2019, unviando los rellatos al corréu lletrónicu de la Biblioteca: biblioteca@elfranco.es o apurriéndolos en mano na mesma, pudiendo escribise en gallego-asturianu o en castellán.
Bases:
Conteníu de los rellatos: Los rellatos tendrán de ser obres orixinales ya inédites, van poder ser escritos tantu en castellán como en gallego-asturianu, y van tener una estensión máxima de 4 fueyes, escrites en formatu Word, lletra Times New Roman, tamañu 12 y tendrán de llindase a la tema en cualesquier de les sos manifestaciones.
Requisitos de los/es participantes: Va poder participar cualesquier persona, mayor d’edá y de cualesquier nacionalidá. El/la concursante garantiza que’l rellatu que presenta ye orixinal ya inéditu y, poro, que nun ye plaxáu, nin total nin parcialmente, nin ta suxetu a contratos de cesión o llicencia a terceros con derechos d’autor o de propiedá intelectual o otru derechu. Si con anterioridá a la fecha de la entrega efectiva del premiu, el rellatu ganador fuera editáu o publicáu o se tuviera conocencia de que s’atopa pendiente de fallu n’otru concursu, el participante va perder el drechu al premiu, acutándose’l xuráu’l drechu a axudicalu a otru finalista o dexalu ermu.
Recepción d’obres: Les obres van unviase per corréu lletrónicu al siguiente corréu: biblioteca@elfranco.es o en mano na mesma biblioteca. L’autor/a unviará la obra ensin firma nin nomatu, nun arquivu Word y n’otru archivu axuntu va unviar los sos datos personales y de contactu. En casu d’apurrise en mano, va apurrise’l rellatu nun sobre zarráu y acompañáu d’otru sobre colos sos datos personales.
Plazos: van recibise les obres dende’l llunes 21 de xineru al llunes 25 de febreru de 2019.
Los premios van entregase’l día de los actos alredor del 8 de marzu. Primer y segundu premiu.
Xuráu: El xuráu va tar integráu por persones del ámbitu cultural que la organización del certame designe. Les sos decisiones van ser inapellables. La participación nesti concursu implica l’aceptación ensin reserves d’estes bases.
