El Serviciu de Salú del Principáu (SESPA) atopó un nuevu ganador pal so concursu de rellatos curtios sobre salú mental en Carlos Fernández Salinas, quien algamó’l primer premiu del concursu «OrgullosaMente» cola obra Miguel. El certame, convocáu pa sensibilizar a la ciudadanía sobre la situación de les persones condicionaes por problemes rellacionaos cola salú mental, tien una dotación consistente nun primer premiu de 1.200 euros y un diploma acreditativu. Pela so parte, Pilar Fernández Alonso algamó l’accésit, dotáu con 600 euros y diploma acreditativu col trabayu ¡Qué telepatía y qué leches!

El ganador os tres finalistes son Zayra Muñiz Martínez con Yo, alma; Lis Martínez García, con La trampa del atajo inconsciente, y Pelayo Martínez Olái con Finxir (únicu relatu finalista escritu n’asturianu).

El certame centróse nos derechos de les persones con discapacidá psicosocial, el cuerdismu y l’estigma social, institucional y personal qu’arrodia a les persones con problemes de salú mental. El SESPA tien tamién convocada la segunda edición de los concursos de curtiumetraxes, microrrellatos y cartelos sobre salú mental, a los que súmase per primer vegada’l cómic, col oxetivu d’atrayer a la mocedá.

Esti tipu d’iniciatives empobinaes a la sensibilización ye d’una importancia vital si se quier llograr una concienciación real tocantes a temes tradicionalmente daos de llau como ye la salú mental.

Artículos venceyaosMás del autor