Trabe convoca’l II Premiu «Muyer» de Narraciones n’asturianu

Ediciones Trabe convoca la segunda edición del Premiu «Muyer» de Narraciones Trabe col oxetivu de favorecer y promover la creación lliteraria n’asturianu d’autoría femenina. Podrán optar al premiu «Muyer» toles muyeres interesaes, d’edá adulta, con obres de narrativa escrites n’asturianu, yá sían noveles, recopilaciones de cuentos o cualesquier otra forma posible de narración ficcional. Siguidamente úfrese un resume de les bases de participación.

BASES DEL PREMIU «MUYER» DE NARRACIONES TRABE 2025

Primera: Podrán optar al premiu «Muyer» toles muyeres interesaes, d’edá adulta, con obres de narrativa escrites n’asturianu, yá sían noveles, recopilaciones de cuentos o cualesquier otra forma posible de narración ficcional. Cada autora pue presentase namás con un orixinal.

Segunda: Les obres han tener una estensión mínima de 70 páxines DIN A4 escrites a doble espaciu y cuerpu de lletra Times New Roman de 12 puntos o apaecío. Han ser inédites y tar ensin premiu n’otros concursos como conxuntu o per separao.

Tercera: El premiu tien una dotación de 2.000 euros en conceptu de derechos d’autoría y la publicación dientro de la colección Incla d’Ediciones Trabe.

Cuarta: El plazu de presentación d’orixinales va abrise a les 00:00 h del 15 de mayu del 2025 y pesllase a les 23:59 h del 15 de setiembre del mesmu añu.

Quinta: La presentación d’orixinales puede ser de dos maneres: 1) Per internet 2) Per corréu postal.

Sexta: El xuráu va tar formáu por persones rellacionaes col ámbitu de la lliteratura, amás de dos en representación d’Ediciones Trabe.

Sétima: Al fallu del xuráu nun se pue retrucar. Va facese públicu primero del 5 d’avientu del 2025.