Eva Cameán, del blogue de lliteratura Clarión, entrevista a Diego Solís, escritor de Xixón (1991), graduáu en Llingua española y les sos lliteratures. Ye’l fundador del movimientu Fame poétika, y actual codirector de la revista de lliteratura moza Formientu.
Diego escribi tanto en castellán como n’asturianu , y tien diferentes publicaciones en dambes llingües, como Hágase Abril (Ruleta rusa), Cállanos con esa música (Impronta), o, Y El mundu marcha (Saltadera).
Foi ganador del Premiu Asturies xoven de poesía nel añu 2018.
Participó tamién en publicaciones collectives como revistes y antoloxíes onde publicó les sos rellatos y poemes.
Güei vamos a face-y la entrevista rescamplu pa conocelo un poquitín más:
1.Bones Diego, ¿Cómo lleves la cuarentena? ¿Yes del grupu que ta aprovechando’l tiempu pa lleer y escribir, o del que tamos faciéndolo menos de lo que nos prestaría?
Bones, Eva. Yo la verdá que siempre toi lleendo y escribiendo, asina qu’agora tovía más.
2.¿Qué xéneru te presta más pa escribir? La poesía, el relatu curtiu y les reseñes (nun solo lliteraries).
3.¿Xéneru que más te presta lleer? La novela, anque préstame abondo tamién tolo demás.
4.¿Tienes dalgún vezu o zuna a la hora de ponete a escribir? Suelo escribir de nueche y revisalo (o tiralo) de día.
5.¿Qué zunes llectores mos puedes confesar? Si una novela nun m’engancha nes primeres 20 páxines acabo por dexala. La poesía préstame lleela n’alto y ver cómo suena: xeneralmente si suena bien, suel gustame, si atopo delles disonancies acabo por refugar d’ella.
6.¿El to escritor/a de cabecera? (pueden ser varios): Mario Benedetti.
7.¿El to llibru clásicu preferíu (pueden ser varios)? El lazarillo de Tormes.
8.¿Tas trabayando en dalgún llibru/escribiendo daqué actualmente? Sí, toi con delles coses de distintos xéneros.
9.¿Si tuvieres qu’escribir un llibru con otru escritor, a quién escoyeríes? David Artime Coto.
10.¿Un llibru que nun fueras quien de rematar? La ciudad y los perros de Mario Vargas Llosa
11.¿Tienes dalgún personaxe lliterariu preferíu? Japhy Ryder (de Los Vagabundos del Dharma).
12.¿A qué escritor reviviríes pa que pudiera siguir escribiendo? A Andrés Solar.
13.¿Un llibru col que llorasti? Orfandá de Marta Mori.
14.¿Cuála ye la to llectura actual? El almuerzo desnudo de Wlliam S. Burroughs.
15.¿Un llibru que tengas munches ganes de lleer? El cuento de la criada de Margaret Atwood.
16.¿Tapa dura o tapa blanda? Blanda.
17.¿Llibros llargos o curtios? Curtios.
18.¿Sagues o autoconclusivos? Autoconclusivos.
19.¿A quien te prestaría que-y ficiera esta entrevista? A Raquel F. Menéndez.
Y yá pa rematar,
20.¿Qué llectura nos recomiendes pa esta cuarentena? El Decamerón de Giovanni Bocaccio (na torna de Pablo Suárez García al asturianu), por motivos obvios o Güelu Ismail d’Esther Prieto que puede agora descargase en PDF.
