Esta selmana y la próxima la ciudá mexicana de Teziutlán, en Puebla, recibe al escritor Inaciu Galán, convidáu a participar nel IV Encuentro de Poetas Iberoamericanos en Méxicu, que dirixe la escritora asturmexicana Carmen Nozal.
A lo llargo de la estancia l’escritor va participar de dellos recitales y otros actos con escritores de países llatinoamericanos, incluyendo poetes en llingües orixinaries de Méxicu, nel marcu de la Feria del Libro de Teziutlán, Puebla. L’escritor Rafael Luna ye’l coordinador de los actos en Teziutlán.
Tán programaes dos conferencies d’Inaciu Galán, una centrada na hestoria y la situación de la llingua asturiana y la so lliteratura, y otra pa falar de la esperiencia de la Residencia Lliteraria Xixón, que l’autor fundó nel 2023 y dirixe dende entós. Per ella pasaron escritores europeos y americanos ente los que s’atopen lliteratos como David Uclés o Marisa Martínez Pérsico. Nesti actu va dialogar cola directora del eventu, Carmen Nozal.
Xunto al poeta asturianu ta prevista la presencia d’autores como Sergio Briceño (Costa Rica), Jaime Ignacio Magnan Alabarce (Chile), Askari Martre, Angel Herrera, Yao Tonalli, Benito Benazi, Daniela Rico Straffon, Lina García, Eduardo Serdio, Jorge Contreras Herrera, Misael Martínez, Adriana P Velázquez, María Merced Nájera Migoni y Martín Tonalmeyotl (Méxicu).
Inaciu Galán (Xixón, Asturies, 1986) Periodista, documentalista, profesor, xestor cultural y activista llingüísticu, ye miembru de númberu de l’Academia de la Llingua Asturiana.
Escritor en llingua asturiana, tien una quincena de llibros espublizaos y numberosos premios, ente los que s’atopen dalgunos de los de más prestixu pa obres en llingua asturiana. Foi traducíu a delles llingües y participa davezu d’eventos internacionales en representación de la llingua asturiana.
Ente los sos proyectos lliterarios más destacaos tán la fundación de la revista Formientu, pa nuevos autores n’asturianu, con yá venti años d’actividá, y la Residencia Lliteraria Xixón, na que trabaya nel intercambiu cultural ente llingües y lliteratures.
Actos d’Inaciu Galán en Méxicu
Lectura de poesía con pintura en vivo
Fecha y hora: Xueves 02 d’abril, 13:30 a 14:30 h. Llugar: Plaza Cívica (Teziutlán)
Participantes: Inaciu Galán, Ma. Merced Nájera Migoni, Jorge Contreras y Ángel Herrera. Realiza: Eric Ricaño Flandez.
Lectura de poesía
Fecha y hora: Vienres 03 d’abril, 19:00 a 21:00 h. Llugar: Café con Pan (Chignautla)
Participantes: Inaciu Galán, Jaime Magnan Alabarce, Ma. Merced Nájera Migoni y Jorge Contreras.
Conferencia: «El asturiano, una lengua europea minorizada en lucha por su futuro y por los derechos de sus hablantes»
Fecha: Sábadu 04 d’abril, 17:00 a 18:30 h. Llugar: Plaza Cívica (Teziutlán)
Imparte: Inaciu Galán.
Tertulia, Lectura de poesía, Concurso de declamación
Fecha y hora: Sábadu 04 d’abril, 19:00 a 22:00 h. Llugar: Café Quintal (Teziutlán)
Participantes: Inaciu Galán, Martín Tonalmeyotl, Adriana P. Velázquez y Jorge Contreras.
Diálogo: «Espacios para la escritura, la experiencia de la Residencia Lliteraria Xixón, en Asturias, España»
Fecha y hora: Domingu 05 d’abril, 11:00 a 12:00 h. Llugar: Plaza Cívica (Teziutlán)
Participantes: Inaciu Galán y Carmen Nozal.
Lectura de poesía
Fecha y hora: Domingu 05 d’abril, 13:00 a 14:30 h. Llugar: Hotel Virreynal (Teziutlán)
Participantes: Carmen Nozal, Inaciu Galán, Jaime Magnan Alabarce y Andrés Briceño.
Lectura de poesía
Fecha y hora: Domingu 05 d’abril, 17:00 a 18:30 h. Llugar: Plaza Cívica (Teziutlán)
Participantes: Carmen Nozal, Inaciu Galán, Jaime Magnan Alabarce, Andrés Briceño, Ma. Merced Nájera Migoni, Jorge Contreras, Martín Tonalmeyotl, Eduardo Serdio, Askari Trejo, Daniela Rico, Adriana P. Velázquez, Lina García, Darío Martínez, Rafael Luna, Ángel Herrera, Benito Benazi, Misael Martínez y Yao Tonalli.
