La fin de selmana del 20 al 22 de marzu, la lliteratura con sellu d’Asturies fai parada en Xixón a cuenta de la IV Feria de la Edición Asturiana (La FEA). El Gremiu d’Editores d’Asturies organiza un añu más la so feria, axuntando a delles editoriales asturianes que van tar presentando novedaes y ufriendo actividaes lliteraries variaes al públicu que s’avere al Muséu del Ferrocarril.
La Feria de la Edición Asturiana ye un espaciu dedicáu a visibilizar el trabayu editorial que se realiza n’Asturies. Nella participen editoriales de toa mena, reflexando la diversidá del panorama editorial asturianu. Darréu detállase la programación d’actividaes pa los tres díes de feria.
Programa d’actividaes de La FEA
📍 Muséu del Ferrocarril d’Asturies – Xixón
📅 20, 21 y 22 de marzu del 2026
Vienres 20 de marzu en La FEA
12:00 – 12:45
Inauguración de la IV Feria de la Edición Asturiana.
17:00 – 17:45
Presentación del llibru Durkheim marca un gol, de Leonardo H. Pelayo.
Editorial: Colectivu Bruxista.
18:00 – 18:45
Presentación de la novela Santo Amaro, d’Arantza Margolles Beran.
Novela cola que l’autora algamó’l II Premiu ‘Muyer’ de narraciones Trabe.
Participen: Arantza Margolles Beran y Esther Prieto.
Editorial: Trabe.
19:00 – 19:45
Presentación de L’imperiu de les llombes, de Vítor Albuerne.
Editorial: Baxamar.
20:00 – 20:45
Recital poéticu Paz de puño y letra.
Editorial: Más Madera.
Sábadu 21 de marzu en La FEA
12:00 – 12:45
Presentación del álbum infantil Rubén. Alma, leche y amor, de Olaya Rubio Vílchez, ilustráu por Eva Rami.
Un cuentu que naz d’una conversación ente una madre y el so fíu y que trata con ciñu’l duelgu perinatal, la lactancia y les rellaciones familiares. Editáu en cartón y n’edición billingüe español-inglés, empobináu pa neños y neñes a partir de 3 años.
Olaya Rubio Vílchez ye escritora y divulgadora especializada en duelgu perinatal.
Eva Rami ye ilustradora de lliteratura infantil con obres publicaes internacionalmente y reconocencies nos International Latino Book Awards.
13:00 – 13:45
Presentación de Pop Piquiñín. Una escoyeta de los cantares de Petit Pop.
Editorial: La Fabriquina.
14:00 – 14:45
Presentación de La bruja, el herrero y el arco de Lughnasa, de José A. Oliver López.
José Oliver preséntanos la última entrega d’esta triloxía d’aventures de la bruxa y el ferreru con delles referencies a Xixón. Una travesía fantástica per tierres asturianes, con héroes y secretos históricos.
Editorial: La Semeya.
17:00 – 17:45
Presentación de Cultura del azabache en el Camino de Santiago, de Valentín Monte Carreño, Benigno Gómez López y Ignacio Valdés Álvarez / acebache.incuna.es
Editorial: Cicees.
18:00 – 18:45
Presentación de Rincones de Gijón, con Miguel Watio y Monchi Álvarez.
Rincones de Gijón ye un percorríu ilustráu por sesenta llugares emblemáticos de la ciudá con ilustraciones del artista Miguel Watio y testos del periodista Monchi Álvarez, un paséu sentimental pela ciudá al traviés del paisaxe urbanu y les sos hestories.
Editorial: Delallama.
19:00 – 19:45
Presentación d’Aire en el aire. Poesía 2001–2025, de José Luis García Martín.
Editorial: Impronta.
20:00 – 20:45
Presentación de Xera de Berto García, con Inaciu Galán.
Xera ye la última entrega del corveranu Berto García, autor incansable, mayestru de versu precisu y vocación introspectiva. El gran antólogu de la poesía asturiana contemporánea vuelve la mirada hacia’l so propiu trabayu pa ufrir esta obra que sintetiza 20 años y 10 poemarios de xera poética nun volume imprescindible.
Editorial: Cuatro Gotes.
Domingu 22 de marzu en La FEA
12:00 – 12:45
Presentación d’Un casino en plena selva, de Ícaro Obeso.
Editorial: La Fabriquina.
13:00 – 13:45
Presentación de Nvmantia IV, Los campamentos de Renieblas, de Adolf Schulten. Llibru dedicáu al descubrimientu y estudiu de los cinco campamentos romanos de la dómina republicana (II-I a. c.) asitiaos na Gran Talaya de Renieblas, nes proximidaes de Numancia (Soria). Esta obra pue lleese agora per vez primera n’español, xuntu coles llámines, planos y mapes de la edición alemana orixinal. Nel actu van intervenir: Santiago Recio Muñiz, catedráticu de Llatín y traductor de la obra y Benito García Noriega, editor de KRk.
Editorial: KRK.
14:00 – 14:45
Presentación d’Asturias en el plato, de Susana García Soto.
Asturies nel platu axunta 72 recetes de la gastronomía tradicional asturiana, ellaboraes a partir de dalgunos de los sos productos más representativos.
Editorial: Delallama.
17:00 – 18:30
Taller gratuitu infantil Ilustra tu propio ogro.
A partir de la llectura del álbum Ramón Román Rodrigo, de David Acera, Gloria Sagasti y Borja Sauras, vamos realizar un taller creativu nel que cada participante va poder imaxinar y dibuxar el so propiu ogru o ogresa utilizando pintures y pinceles. Una actividá pa esplorar la ilustración y dexar volar la imaxinación, empobinada a neños y neñes a partir de 5 años. Places llimitaes. Reserva previa en: info@pintar-pintar.com
Editorial: Pintar-Pintar.
19:00 – 19:45
Presentación de Constantino Suárez. L’alma fotográfica al traviés de la vanguardia, de María Pidal García.
Un alcuentru cola autora pa descubrir la vida y legáu del fotoperiodista xixonés, comentando la relevancia de les sos fotografíes testimoniales sobre la Guerra Civil, pero tamién resaltando’l so valor dientro de la fotografía de vanguardia.
Editorial: La Semeya.
