La llibrería La Pilarica de Mieres va celebrar la Selmana de les Lletres Asturianes, como vien siendo vezu, con una presentación. Nesta ocasión va visitar la llibrería a¡l’escritor Fran Allegre, pa presentar el so nuevu llibru «La fin y outras cousas que van sele» (Cuatro Gotes). Amás tamién va recitar dalgunu de los sos poemes. Va ser el próximu xueves, 8 de mayu, a les 19:00 hores. Va tar acompañáu pol tamién escritor y académicu Inaciu Galán.
– «La fin y outras cousas que van sele» (Cuatro Gotes): Nun sabemos si volverán esistir las vacas anguaño, nin los regueiros, nin la flor en prau, nin los humanos cuayaos pa ser buenos, nin las sorrisas. Lo que si creemos tar arrimaos d’afirmar ye que nada va esistir pa siempres, nin siquier el cambéu, quiciabes. Pero consideremos el cambéu lo más cercano a lo eterno y a lo bello. Aceptar el cambéu como guapu motor infinitu, guapu movimientu xenerador de guapu movimientu, xenerador de guapura eterna, va evitar un pocu de sufriminentu porque na nuesa esistencia solemos querer siempres amarranos a daqué considerao guapo, xunío a la palabra eternidá pa poder folgar ensin pérdiga, como pena infrayabl, nella. Somo y tamos eternamente nél. Guapura, bondá y vida son indixebrables. La Vida contempla, a la Guapura en sí mesma y en Tou, y ye lo Bueno, too, hasta lo que la camuda escontra lo inaminao.
– Fran Allegre (1977): ye escritor, músicu y artesanu. Leonés de Villareiyu d’Órbigo. Como escritor tien espublizaos trabayos etnográficos por la Academia de la LLingua Asturiana como La cultura del vinu en Villareiyu d’Órbigu y Santibañez de Valdeiglesias; Fiestas nel pueblín de Villareyu d’Orbigu y La pesca en dalgunos pueblos riberanos del Órbigu. Cola editorial Llibros Filandón editó Poemas pan un ser lleidos y apaez en delles antoloxíes poéticas como Esto no rima; Onde la palabra pousa y en Surdiversu. Na parte musical tien editaos Nel Biezu, Nel Caminu y otras collaboraciones como Son de ribera o el disco de la gaita en Llión, Farrapos, furacos y foles.
