El BOPA da anuncia güei de que Francisco Álvarez ganó’l Premiu de Novela Curtia Andrés Solar Santurio 2025 cola obra “Coses que facer en Xixón cuando tas muertu”.
La quinta edición del certame, entamáu pola Fundación Municipal de Cultura, Educación y Universidá Popular del Conceyu de Xixón, ta dotáu con 3.000 euros y la espublización de la novela.
Francisco Álvarez González (Xixón, 1970) ye periodista, escritor y traductor lliterariu d’italiano. Autor d’una docena de títulos n’asturianu y en castellán, ganó nel 2015 el Premiu Xosefa Xovellanos cola so primer novela, Lluvia d’agostu, sobre la vida y la muerte del anarquista Buenaventura Durruti, publicada n’asturianu y en castellán pola editorial Hoja de Lata y que nos meses vinientes va editase n’alemán pol sellu vienés Bahoe Books. Ente les sos obres ta’l volume de cuentos Pasaxeres de la nueche (Hoja de Lata, 2019). Ye traductor al castellán del sardu Marcello Fois y del italianu d’orixe arxelín Amara Lakhous, ente otros narradores.
