El próximu sábadu, 5 de marzu, la Biblioteca d’Asturies Ramón Pérez d’Ayala, asitiada n’El Fontán d’Uviéu, va acoyer la presentación del llibru cola torna al asturianu de «El monstruu de colores», fecha por Xosé Lluis Remis.
La presentación va tar conducía por Xuan Santori y ye tanto pa neños y neñes como pa mayores. Amás de la presentación, l’actu va pesllase cola representación musical del cuentu a cargu de Mar García, Nora Labastida y Daniel Martínez, musicalizada por Iñaki Santianes y dirixía por Chechu García.
