El próximu miércoles 7 de mayu va celebrase una nueva edición del VERSOVERA, el recital poéticu que dende va una década se fai en Corvera con motivu de la Selmana de les Lletres Asturianes, en La Lechera de Cancienes.
Nesta edición van recitar los y les poetes Berto García, Aida Escudero, José Luis Rendueles, Ánxela G. d’Ávila y Pablo Rodriguez Medina. N’acabando’l recital va actuar Mostru l’horru (rap n’ast). Igual que n’anteriores ediciones del VERSOVERA, búscase mostrar y compartir la diversidá y la bayura de la poesía asturiana última mesmo que de la música d’espresión asturiana.
L’actu, de baldre, va celebrase a les 18 hores en La Lechera de Cancienes (Corvera).
