Oyesti cayer la vergoña del gustu de les foles
y acolumbresti una sablera
pente’l furacu de la to manzorga:
agua salao, sable moyao, ocle podre,
tarazando ocle alredor del teneru
enllenu de pulgues de sable
y otros crustáceos pequeñinos
que viven no podre.
Y mosquitos.
La realidá ye que tas tiráu nuna cama,
enchufáu a una máquina d’hemodiálisis
y nun yes a respirar
ensin otra máquina de ventilación mecánico
coneutada a la to tráquea.
