Escritos asturianos en Méxicu vols. I y II ye la última publicación de l’ALLA, que sigue ampliando la so colección «Cartafueyos de lliteratura escaecida» colos númberos 97 y 98 respectivamente.
Esta obra que presenta l’Academia de la Llingua Asturiana ye’l resultáu de la investigación realizada por Xuan Xosé Sánchez Vicente y Lluis Ánxel Núñez Enríquez, esbillando escritos asturianos en periódicos mexicanos nel periodu 1870-1900 (Escritos asturianos en Méxicu vol. I) y 1900-1930 (Escritos asturianos en Méxicu vol. II), al traviés de la Hemeroteca Nacional de Méxicu. El contestu migratoriu asturmexicanu ye’l tresfondu que vertebra (y sobre’l que se constrúi) esta selección de cartes, romances, cróniques y pieces dramátiques. Estos dos volúmenes que se presenten equí reproducen y trescriben documentos orixinales. Al traviés de los escritos incluyíos úfrese una visión de la sociedá, los vezos y la cultura d’Asturies dende una mirada d’ultramar.
Con esta publicación, l’ALLA, que nun apara col so llabor divulgativu, sigue pagando atención nesti casu a la bayura cultural asturiana del otru llau del océanu atlánticu.
Si quies saber más, puedes alcontrar tola información sobre los dos volúmenes equí.
 y vol. II (1900-1930) na colección «Cartafueyos de lliteratura escaecida»){kind=link}