Tres del pasu, el pasáu mes de payares, de la escritora arxentina Romina Berenice Canet (Río Ceballos, Córdoba, L’Arxentina, 1977) per Asturies, dientro del programa de residencies creatives de la Residencia Lliteraria Xixón, ufrimos dellos poemes del so llibru La Maleza, XLIII Premiu Iberoamericanu de Poesía Juan Ramón Jimenez. Fueron traducíos al asturianu por Inaciu Galán.
12.
Podríemos tener un fíu.
Embalsamalu.
Vendelu nuna feria.
Pone-y el to nome.
12.
Podríamos tener un hijo. / Embalsamarlo. / Venderlo en una feria. / Ponerle tu nombre.
19.
El golor del cuerpu
trái-y los astros de rodielles.
Asonsáñase pa recordar.
Nun sabe yá como pidir
que dexen de resucitala.
19.
El olor del cuerpo / le trae los astros de rodillas. // Se imita para recordar. // No sabe ya como pedir / que dejen de resucitarla.
35.
Lleida embaxo l’agua.
Borrosa.
Ensin acentos.
Tradúcenla a una llingua
qu’ella mesma
nun atalanta.
35.
Leída bajo la lluvia. / Borrosa. / Sin acentos. // La traducen a un idoma / que ella misma / no comprende.
36.
Pa que los fíos de los llobos duerman
habrá de mano que los convencer
de la inesistencia de los llobos.
36.
Para que los hijos de los lobos duerman / habrá primero que convencerlos / de la inexistencia de los lobos.
60.
Esti llaberintu
ye tan cruel
qu’en toes partes
hai salíes
60.
Este laberinto / es tan cruel / que en todas partes / hay salidas
62.
Atapez.
Nun hai café.
Nun hai dineru.
Nun hai poemes.
Nun hai dios mio.
Que nun seya esta
la mio herencia
nin la mio suerte.
62.
Anochece. / No hay café. / No hay dinero. / No hay poemas. / No hay dios mío. // Que no sea esta / mi herencia / ni mi suerte.
L’autora
Romina Berenice Canet (Río Ceballos, Córdoba, L’Arxentina, 1977) ye egresada de Belles Artes de la Escuela d’Artes Visuales «Antonio Berni» de Bonos Aires, especializada en grabáu y pintura. Estudió tamié teatru, música, técnica mural y trapeciu na Escuela de Circu de Bristol, Inglaterra, onde s’anició en 2010. Trabayó na restauración d’antigüedaes del Palaciu de Santa Cruz de Madrid y dedícase a la confección de moñeques y osos de colección que llograron premios internacionales y fueron espuestos na Arxentina, Xapón, Canadá, Inglaterra, Italia, Alemaña y Estaos Xuníos, ente otros países del mundu.
Formó parte de la comisión directiva de APOA (Asociación de Poetas Argentinos) y coordinó el ciclu «Otros Animales» en La Casa de la Poesía de Bonos Aires.
En 2010 preparó una antoloxía pal Fondu Nacional de les Artes. Como poeta espublizó «Resabio de las fiestas» (Ediciones La guillotina, Bonos Aires, 2004) qu’inclúi doce llitografíes de so y “La Maleza” (Bartleby Editores, Madrid, 2023) ganador del XLIII Premio Iberoamericano de poesía Juan Ramón Jiménez 2023.
Tien un poemariu inéditu y una nouvelle en cursu, nes que trabayó en payares de 2024 na Residencia Lliteraria Xixón.
