Cartel IV Certame de microrrellatos n'asturianu
La canal de Youtube asturiana y familiar «Crónicas d’Asturies» vuelve a activase, depués de casi mediu añu de parón, pa convocar la cuarta edición del so Certame de microrrellatos n’asturianu.
Requisitos pa la participación: 
1- Podrán presentase a esti concursu de microrellatos n’asturianu toes aquelles persones residentes n’Asturies que sepan lleer y escribir n’asturianu.
2- Caún de los concursantes podrá presentar un máximu d’un microrellatu.
3- Los testos tendrán que tar ambientaos y tratar sobre n’Asturies.
4- Amás de ser orixinales ya inéditos, los trabayos tendrán que tar escritos nel asturianu normalizáu pola Academia de la Llingua Asturiana (ALLA) o en cualesquier de les sos variedáes (oriental, central y occidental), y nun podrán tar premiaos con anterioridá en nengún otru certame lliterariu.
5- La estensión máxima de cada testu será de 500 pallabres.
6- Los participantes deberán d’unviar el so microrrellatu al corréu ellectrónicu cronicasdeasturies@gmail.com enantes del sábadu 6 d’avientu a les 23:59h en formatu PDF y depués de resolver toles entrugues formulaes nesti cuestionariu d’inscripción.
7- El xuráu tará compuestu por tres llicenciaos en llingua y lliteratura asturiana y el so fallu será inapelable.
8- Establezse un únicu premiu pal microrrellatu ganador consistente nun llote de llibros n’asturianu valloráu en 300€.
9- La resolución del xuráu y la entrega’l premiu sedrá’l próximu sábadu 13 d’avientu a les 17:00h nel Conseyu de la Mocedá del Principáu d’Asturies (CMPA).
Dende la organización insisten na importancia de que toles persones participantes n’otres ediciones tornen a unviar obres pa esti cuartu Certame de microrrellatos n’asturianu, ensin dexar de convidar a la participación de voces más nueves, col envís d’ampliar y consolidar l’abanicu de propuestes. Amás, en casu de dulda de cualquier tipu, dende la propia canal úfrese un videu esplicativu del concursu nel qu’escláriense tolos detalles del mesmu.

Artículos venceyaosMás del autor