El Faro de Carreño y Gozón convoca’l I Concursu de Rellatos «Bárbara García»

El periódicu El Faro de Carreño y Gozón convoca’l I Concursu de Rellatos «Bárbara García», un certame que festexa’l so XX aniversariu, y failo a mou d’homenaxe a una muyer que tuvo un papel importante na medicina. De pasu, aprovéchase pa reconocer a toles persones que curen dende la ciencia, el los cuidaos o la pallabra. Trátase d’una invitación a escribir lliteratura pa sanar, a escribir pallabras que curen y que mos xunan.

El concursu ta abiertu a persones de toles edaes residentes nel estáu español: la xente mozo, cola so imaxinación ensin llendar; los adultos, coles sos esperiencies y suaños; y los mayores, cola conocencia, la emoción y la sorrisa posada que sólo da la vida vivía.

Los relatos van tener ente 2 y 4 páxines de llargor y han tar venceyaos temáticamente cola medicina o la salú, dende cualquier mirada. Sólo van almitise trabayos orixinales y inéditos, en castellanu o asturianu, y que nun fueren espublizaos previamente en formatu dalu, total o parcialmente. Tampoco nun van permitise adptaciones nin obres qu’empleguen intelixencia artificial na so composición de forma total o parcial (éstos son motivos de descalificación automática).

Los premios tan dixebraos en tres categoríes distintes: el premiu absolutu (cualquier edá) de 500€, y el «premiu sénior» (a partir de 65 años) y el «premiu mozu» (de 12 a 16 años), dotaos con 250€ caún. D’otra banda, va haber un reconocimientu a los 10 finalistes, que van recibir un diploma y un recuerdu del eventu, amás de la publicación de toles obres ganadores y finalistes nel blogue pepabarrera.es

El plazu d’entrega va estendese hasta’l 28 de febreru de 2026 y les decisiones del xuráu fadránse públiques mientres el mes de marzu del mesmu añu al traviés del periódicu El Faro de Carreño y Gozón, amás del blogue pepabarrera.es.

Tola información sobre’l I Concursu de Rellatos «Bárbara García» y les bases completes pueden consultase equí.