Si yes una de les munches persones que percorrieron el Camín Primitivu de Santiago, esta ye la to oportunidá. La Universidá d’Uviéu convoca’l III Premiu Alfonso II “Los diarios del Camín de Santiagu”, un concursu que tien como oxetivu caltener vivu’l recuerdu del primer peregrino del Camín de Santiago, Alfonso II, quien contribuyó de forma decisiva a incorporar el Reinu d’Asturies al procesu de construcción d’Europa. Amás, intenta ameyorar el conocimientu sobre les característiques y oxetivos del peregrinu n’actualidá.
Lo único qu’has facer ye escribir un diariu orixinal ya inéditu del to percorríu con tintes llitearios, vivencies y reflexones personales que vayas anotando a midida qu’avances pel Camín. Los requisitos son que tea escritu nuna de les llingües vives d’Europa, lo qu’inclúi nes bases, especificamente al asturianu y al gallego-asturianu, con una estensión máxima de 60 páxines y mínima de 40, col formatu estándar de presentación. Si yá participasti nuna convocatoria anterior y nun ganasti, puedes volver a presentate nesta.
El premiu consistirá nuna tirada de 250 exemplares de los cualos el 10% sedrán pal ganador como únicu pagu en conceptu de drechos d’autor. La espublización tará na llingua orixinal y tornaráse tanto al inglés como al castellán.
El plazu de presentación, qu’entamó’l 22 de xineru, finalizará seis meses depués de la fecha d’iniciu. ¡Nun dexes de participar si te presten los diarios de viaxes!
