Col envís de promover la llingua asturiana, tanto na so variante occidental como n’estándar, el Conceyu de Cangas del Narcea abre la convocatoria del XII Concursu de cuentos n’asturianu “Otilio Álvarez Rodríguez”, dirixíu a los neños que cursen los cursos de Primaria nel conceyu. Con un premiu de trés llotes de llibros y material escolar, ye una oportunidá perguapa pa que los más pequeños se llancen tanto a la lliteratura como a la conocencia y normalización de la so llingua. Abaxo, les bases del concursu:
- Podrán participar toles persones matriculaes nos cursos de 3u, 4u, 5u o 6u de Primaria de dalgunu de los centros educativos de Cangas del Narcea.
- Cada participante pue apresentar namái qu’una obra, tanto na variante occidental de la llingua asturiana como n’estándar.
- Premiaránse aquelles obres inédites qu’a xuiciu del xuráu seyan d’un valir lliterariu mayor.
- La temática ye llibre, y el rellatu tien de tener una estensión d’una fueya como mínimu y cinco como máximu.
- El tamañu del les fueyes tien de ser DIN A4.
- La obra presentaráse de forma manuscrita.
- Una vez entregaes, les obres nun van devolvese a los participantes.
- Les obres presentaes van ser espuestes y usaes pol Conceyu en campañes de normalización social.
- Les obres premiaes pueden publicase na páxina web del Conceyu de Cangas del Narcea y/o na páxina de Facebook del Serviciu de Normalización Llingüística.
- El premiu será de trés llotes de llibros y material escolar pa les y los ganadores del concursu.
- Los trabayos tienen de presentase de manera presencial nel Serviciu de Normalización Llingüística (Casa la Cultura “Palacio d’Oumaña”, La Plaza la Oliva, e/n, 33800, Cangas del Narcea) o por corréu certificáu na mesma direición hasta’l 10 de mayu del 2020. Pídese al personal docente, qu’a ser posible, mande les obres participantes nun sobre por escuela. Nél, meteráse caúna de les obres presentaes firmada col pseudónimu del autor/a y, aparte, otru sobre zarráu con una fueya onde se detallen los datos reales del alumnáu que se presenta al concursu.
- El xuráu va tar formáu por delles persones con cargos públicos nel Conceyu de Cangas del Narcea: José María Álvarez Carro, conceyal de cultura del Conceyu Cangas; Rosa Caballero Martínez, técnica de la Oficina d’Información a la Mocedá; Mónica Rodríguez Riesgo, técnica del Serviciu de Normalización L.lingüística del Cocneyu Cangas; Elena Martínez Martínez, técnica del Centru de Dinamización Tecnolóxica del Conceyu y Noelia Rodríguez Menéndez, coordinadora del Aria de Cultura del Conceyu.
- El resultáu del xuráu comunicaráse a les persones interesaes por carta y/o teléfonu díes anteriores a los actos previstos.
- Los premios van entregase a les persones premiaes nun actu públicu organizáu pol Serviciu de Normalización Llingüística con motivu de la celebración de la Selmana de les Lletres Asturianes.
- Participar na convocatoria supón l’aceptación de les bases.
